Azərbaycan Respublikasının qüvvədə olan mülki qanunvericiliyinin tələblərinə uyğun  Azərbaycan Respublikasının Milli Depozit Mərkəzi (MDM) tərəfindən Azərbaycan Beynəlxalq Bankının qiymətli kağızlarının saxlanması, onun səhmdarlarının reyestrinin aparılması xidmətləri göstərilir.

MDM-in uçot sistemində bankın səhmdarları barədə anket məlumatlarının yenilənməsi və faktiki mövcudluğunun təsbit edilməsi məqsədilə bankın səhmlərinə sahibliyini təsdiq edən aidiyyəti sənədlərin (fiziki şəxslər üçün şəxsiyyət vəsiqəsinin, hüquqi şəxslər üçün təsis sənədlərinin, qiymətli kağız sertifikatının, səhmlər özgəninkiləşdirilmə nəticəsində (alqı-satqı, bağışlama) əldə edildiyi təqdirdə həmin müqavilənin, vərəsəlik olduğu halda isə aidiyyəti şəhadətnamənin və səhmlərin əldə edilməsi barədə ödəniş sənədinin) 1 (bir) ay müddətinədək aşağıdakı  üsullardan biri vasitəsilə MDM-ə təqdim edilməsi tələb olunur:

1. Şəxsən və ya vəkalətli nümayəndə ilə MDM-ə bilavasitə müraciət etməklə.

2. Sənədlərin elektron imza ilə təsdiqlənmiş skanını [email protected] elektron ünvanına göndərməklə (sənədlərin elektron imzalanması təlimatı ilə www.e-imza.az və www.asanimza.az saytlarında tanış olmaq mümkündür).

Məlumat üçün bildirilir ki, Milli Depozit Mərkəzi Bakı, Ə.Quliyev küçəsi, 11/31 nömrəli (Babək plaza 9-cu mərtəbə) ünvanda yerləşir.

İstənilən sualla  MDM-in Müştəri Xidmətləri Departamenti (012) 488-08- 40 (daxili 1-32) ilə əlaqə saxlamaq olar.