Avtomobil kuzovu üzərində səyyar rəqəmsal flüoroskopik qurğunun və vərəm mikobakteriyalarını təyin edən tam avtomatlaşdırılmış laborator-diaqnostik avadanlığın satın alınması ilə əlaqədar açıq tenderə dəvət edir
Tender 2 (iki) lot üzrə keçirilir:
LOT-1. Avtomobil kuzovu üzərində səyyar rəqəmsal flüoroskopik qurğunun satın alınması.
LOT-2. Vərəm mikobakteriyalarını təyin edən tam avtomatlaşdırılmış laborator-diaqnostik avadanlığın satın alınması
Avadanlıqla təchiz olunma müddəti - 2011-ci il ərzində.
Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.
Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.
Tenderdə iştirak etmək istəyənlər Azərbaycan dilində tərtib olunmuş əsas şərtlər toplusunu Bakı, Bülbül prospekti 2 nömrəli ünvanda yerləşən Ədliyyə Nazirliyi Tibb Baş İdarəsi (Əlaqələndirici şəxs: Quliyev Samir Bəkir oğlundan, telefon: 493-06-50) ala bilərlər.
İddiaçılar tenderdə iştirak etmək üçün aşağıdakı sənədləri təqdim etməlidirlər:
tenderdə iştirak etmək üçün yazılı müraciət;
tender təklifi (zərflərin açıldığı tarixdən sonra ən azı 30 bank günü qüvvədə olmalıdır);
tender təklifi dəyərinin 2 %-i həcmində bank təminatı (zərflərin açıldığı tarixdən sonra ən azı 60 bank günü qüvvədə olmalıdır).
Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;
iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
iddiaçının son bir ildəki maliyyə vəziyyəti haqqında bank arayışı;
İddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;
Müvafiq mallar üzrə mənşə və uyğunluq sertifikatları;
Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru "Dövlət satınalmaları haqqında" Qanuna uyğun keçiriləcəkdir.
İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 2010-cu il dekabrın 20-si saat 18.00-a qədər, tender təklifi və bank təminatını isə möhürlənmiş ikiqat zərfdə 2010-cu il dekabr ayının 28-də saat 18.00-a qədər, Bakı şəhəri, Bülbül prospekti, 2 nömrəli ünvanda yerləşən ƏN Tibb Baş İdarəsinə təqdim etməlidirlər.
Göstərilən vaxtdan gec təqdim olunmuş zərflər açılmadan geri qaytarılacaqdır.
İddiaçıların təklifləri 2010-cu il dekabrın 29-da saat 15.00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak edə bilərlər.{nl}

Tender komissiyası