Azərbaycan Dövlət İqtisad Universiteti, London Universiteti/London İqtisadiyyat Məktəbinin “Mühasibat və Maliyyə” (BSc in Accounting and Finance) və “Biznes və Menecment” (BSc in Business and Management) ixtisasları üzrə bakalavr dərəcə proqramına qəbulu açıq elan edir.

Dərslər UNEC-in əsas tədris binasında keçirilir və tələbələr lazımi dərs vəsaitlərilə təmin olunurlar.

Proqram London Universiteti/London İqtisadiyyat Məktəbinin (London School of Economics - LSE) tədris planı əsasında ingilis dilində həyata keçirilir.

Təhsilini uğurla başa çatdıran tələbələr iki diplom - Azərbaycan Dövlət İqtisad Universitetinin və London Universitetinin vahid nümunəli bakalavr diplomunu əldə edirlər.

Proqrama birinci kursu bitirmiş, ümumi orta müvəffəqiyyət göstəricisi 80 baldan çox olan və ingilis dili tələblərinə cavab verən (PTE Academic - 57, TOEFL - 87, IELTS - 6.0) tələbələr müraciət edə bilərlər.

Proqrama sənəd qəbulu 2016-cı ilin 25 iyul - 20 avqust tarixlərində həyata keçirilir.

Əlavə məlumat üçün əlaqələndirici şəxs: Rüfət Abdullayev və Anar Kazımov

Ünvan: Azərbaycan Dövlət İqtisad Universitetinin əsas binası, İstiqlaliyyət küçəsi, 6, 327-ci  otaq.

Tel.: (+99412) 492 59 14; (+99412) 492 18 82

Mob: (+99455) 331 72 20; (+99455) 808 87 80

E-mail: [email protected]