Tender 3 lot üzrə keçirilir:

Lot -1. Sumqayıt Kimya Sənaye Parkının 94.13 hektar ərazisində mühəndis xətlərinin və avtomobil yollarının (daxili avtomobil yolu, yeraltı texniki qalereya, yanğına qarşı su, yağış suyu, içməli su, kimyəvi tullantı suyu xətləri, su anbarı və nasosxana, kanalizasiya sistemi) tikintisi.

Lot -2. Sumqayıt Kimya Sənaye Parkının 94.13 hektar ərazisində daxili elektrik şəbəkəsi və ərazidə 110/35/6 kv-luq yarımstansiyanın tikintisi.

Lot -3. Sumqayıt Kimya Sənaye Parkının 167.66 hektar ərazisindən 94.13 hektar əraziyə elektrik verilişi xəttinin çəkilişi.

Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Tenderdə iştirak etmək istəyənlər lot üçün iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu “Sumqayıt Kimya Sənaye Parkı” MMC-nin Bakı şəhəri, Xocalı prospekti 37, “Demirchi Tower” ünvanda yerləşən ofisindən yazılı müraciət etməklə əldə edə bilərlər.

Əlaqələndirici şəxs - Abbas Mamedov (telefon: 012-488-80-65)

İştirak haqqı: hər lot üçün 500 manatdır.

H/h: AZ 32 PAHA 00000000000010078051

VÖEN: 2902478331

Bank: “PAŞA Bank” ASC

Bankın VÖEN-i: 1700767721

Bankın kodu: 505141

SWİFT: PAHAAZ22

M/h: AZ 82 NABZ 01350100000000071944

İştirak haqqı heç bir halda geri qaytarılmır.

İddiaçılar tenderdə iştirak etmək üçün aşağıdakı sənədləri təqdim etməlidirlər:

- tenderdə iştirak etmək üçün yazılı müraciət;

- tenderdə iştirak haqqının ödənilməsi barədə bank sənədi;

- tender təklifi (zərflərin açıldığı tarixdən sonra ən azı 30 bank günü qüvvədə olmalıdır);

- ender təklifi dəyərinin 1%-i həcmində bank təminatı (tender təklifinin qüvvədə olma müddəti bitdikdən sonra 30 bank günü);

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq dövlət orqanlarından arayış; 

- iddiaçının son bir ildəki maliyyə vəziyyəti haqqında bank arayışı;

- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;

- tələb olunan digər zəruri sənədlər.

Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).

Tender proseduru “Dövlət satınalmaları haqqında” Azərbaycan Respublikası Qanununa uyğun keçiriləcəkdir.

İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla)  4 avqust 2016-cı il tarixə qədər, tender təklifi və bank təminatını isə möhürlənmiş ikiqat zərfdə 12 avqust 2016-cı il saat 18.00-dək “Sumqayıt Kimya Sənaye Parkı” MMC-nin Bakı şəhəri, Xocalı prospekti 37, “Demirchi Tower” ünvanında yerləşən ofisinə yazılı formada təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır.

İddiaçıların təklifləri 15 avqust 2016-cı il saat 15.00-da Bakı şəhəri, Xocalı prospekti 37, “Demirchi Tower” ünvanda yerləşən ofisində, iclas zalında açılacaqdır.

Zərflərin açılışı iddiaçıların səlahiyyətli nümayəndələri iştirak edə bilərlər.

Tender komissiyası