Azərbaycan Respublikası İqtisadiyyat Nazirliyinin “Sumqayıt Kimya Sənaye Parkı” MMC tərəfindən təşviqat materialları və çap məhsullarının satınalınmasına dair təkliflər sorğusu keçirilir. İddiaçılar təkliflər sorğusunda iştirak etmək üçün aşağıdakı sənədləri təqdim etməlidirlər:

- qiymət təklifi (zərflərin açıldığı tarixdən sonra ən azı 30 bank günü qüvvədə olmalıdır);

- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;

- rəhbər şəxsin (imza sahibinin) tutduğu vəzifəni təsdiq edən sənədin surəti.

Təkliflər sorğusu proseduru “Dövlət satınalmaları haqqında” Azərbaycan Respublikası Qanununa uyğun keçiriləcəkdir.

İddiaçılar təkliflər sorğusu prosedurunda iştirak etmək üçün yuxarıda göstərilən sənədləri 25 may 2016-cı il saat 15.00-dək “Sumqayıt Kimya Sənaye Parkı” MMC-nin Bakı şəhəri, Xocalı prospekti 37, “Demirchi Tower” ünvanında yerləşən ofisinə təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır.

İddiaçıların təklifləri 25 may 2016-cı il, saat 17.00-da Bakı şəhəri, Xocalı prospekti 37, “Demirchi Tower” ünvanda yerləşən ofisində, iclas zalında açılacaqdır.

Əlaqələndirici şəxs: Abbas Mamedov (telefon: (+994 12) 488-80-65).

Maraqlananlar müvafiq məlumatları “Sumqayıt Kimya Sənaye Parkı” MMC-nin Bakı şəhəri, Xocalı prospekti 37, “Demirçi Tower” ünvandan yazılı müraciət etməklə əldə edə bilərlər.