Tender keçirən: Azərbaycan Respublikası Maliyyə Nazirliyinin Dövlət Sığorta Nəzarəti Xidməti
Ünvan: Bakı şəhəri, AZ 1022, S. Vurğun küçəsi, 83
1.Tender proseduru 2010-cu il dekabr ayının 15-də saat 11.00-da Azərbaycan Respublikası Maliyyə Nazirliyinin inzibati binasında başlanacaq.
2.Tenderdə iştirak etmək üçün iddiaçılar aşağıdakı sənədləri təqdim etməlidirlər:
2.1.tenderdə iştirak etmək üçün ərizə;
2.2.iştirak haqqının ödənilməsi barədə bank sənədi (ödəniş qəbzi);
2.3. tender təklifi;
2.4.malgöndərən (podratçı) haqqında tələb olunan sənədlər.
3. İddiaçı təqdim etdiyi sənədlərdə özü haqqında aşağıdakı məlumatları bildirməlidir:
3.1.iddiaçının tam adı, ünvanı, hüquqi statusu, qeydiyyatdan keçdiyi ölkə;
3.2.iddiaçının texniki-istehsalat (işinin əsas istiqamətləri) fəaliyyəti barədə məlumat;
3.3.iddiaçının son bir il əzində maliyyə vəziyyəti barədə bank tərəfindən verilmiş arayış.
4.Tenderin əsas şərtlər toplusunu əldə etmək, tender təkliflərini təqdim etmək və əlavə məlumat almaq üçün əlaqələndirici şəxs Azərbaycan Respublikası Maliyyə Naziliyi Dövlət Sığorta Nəzarəti Xidmətinin aparıcı məsləhətçisi T.Məmmədovdur. Əlavə məlumat almaq üçün 2010-cu il noyabrın 1-dən dekabrın 14-dək, saat 10.00-dan 17.00-dək müraciət etmək olar (fasilə saat 13-dən 14-dək). Ünvan: Azərbaycan Respublikası, Bakı Şəhəri, AZ 1022, S.Vurğun küçəsi, 83 Telefon: (99412) 404-46-99, əlavə 385 Faks: (99412) 404-47-20 E-mail:  [email protected]   
5.İddiaçı təklifin dəyərinin 2 faizi həcmində bank təminatı təqdim etməlidir.
6.Tenderin predmeti: avtonəqliyyat vasitələrinin sığortası üçün məlumat bazasının proqram təminatının işlənib hazırlanmasının həyata kecirilməsi.
7.Avtonəqliyyat vasitələrinin sığortası üçün məlumat bazasının proqram təminatı bu sahədə ən qabaqcıl beynəlxalq praktikaya uyğun olmalıdır.
8.İstehsal şəraiti və məhsulları beynəlxalq standartların tələblərinə cavab verən avtonəqliyyat vasitələrinin sığortası üçün məlumat bazasının proqram təminatının işlənib hazırlanmasının həyata keçirilməsi sahəsində azı beş il iş təcrübəsi, peşəkarlığı, idarəetmə səriştəsi, texniki və maliyyə imkanları olan, "Dövlət Satınalmaları haqqında" Azərbaycan Respublikası Qanunu ilə müəyyənləşdirilmiş şərtlərə əməl edən iddiaçılar tenderdə iştirak edə bilərlər. Vasitəçilik fəaliyyətini həyata keçirən və maddi-texniki bazası (öz əmlakından sərbəst və məhdudiyyətsiz istifadə etmək imkanı) olmayan şəxslər tenderdə iştirak edə bilməzlər.
9.Tenderdə iştirak üçün 500 (beş yüz) manat məbləğində iştirak haqqı bu hesaba köçürülməlidir:
Alanın bankı: Azərbaycan Respublikası Beynəlxalq Bankı
Kodu: 805722
VÖEN: 9900001881
Müxbir hesab: 0137010002944
SWIFT: Bik: İBAZAZ2X
Alan: Maliyyə Nazirliyinin
Dövlət Xəzinədarlığı Agentliyinin 1 saylı Xəzinədarlıq İdarəsi
Dövlət Sığorta Nəzarəti Xidməti Hesab nömrəsi: 33205019449328518204
VÖEN: 1700986181
Ödənişin təyinatı və əsası:
Tenderdə iştirak haqqı (kitab 14234)
İddiaçıların ödədikləri iştirak haqları heç bir halda geri qaytarılmır.
10.Tender təkliflərində iddiaçı tender predmetini səciyyələndirən bütün parametrləri, o cümlədən işin icrasının texniki cəhətlərini, icra müddətini, dəyərini, hesablaşma formasını, işin icra yerini göstərməlidir.
11.Tenderin əsas şərtlər toplusu Azərbaycan dilində tərtib olunmuş və ingilis dilinə tərcümə edilmişdir.
12.Tender təklifləri 2010-cu il dekabr ayının 14-də saat 11:00-dək Azərbaycan Respublikası Maliyyə Nazirliyinin Dövlət Sığorta Nəzarəti Xidmətinə təqdim olunmalıdır.
13.Tender "Dövlət Satınalmaları haqqında" Azərbaycan Respublikası Qanununa uyğun keçirilir.

Tender komissiyası