Azərbaycan Respublikasının Təhsil Nazirliyi

Şriftin ölçüsü:

08.04.2016 11:09 | Oxunma sayı: 1445

(Bakı şəhəri, Xətai prospekti, 49) Nazirliyin birbaşa tabeliyində olan internat tipli təhsil müəssisələrində təhsil alan, mövcud qanunvericiliyə uyğun dövlət təminatında olan şagirdlərin 2016-cı ilin iyun-dekabr ayları ərzində keyfiyyətli hazır isti yeməklə təchizatı ilə bağlı iş və xidmətlərin satınalınması məqsədilə açıq tender elan edir

Satınalmanın predmeti: Azərbaycan Respublikası Təhsil Nazirliyinin birbaşa tabeliyində olan internat tipli təhsil müəssisələrində təhsil alan, mövcud qanunvericiliyə uyğun dövlət təminatında olan şagirdlərin 2016-cı ilin iyun-dekabr ayları ərzində keyfiyyətli hazır isti yeməklə təchizatı.

Keyfiyyətli hazır isti yemək təchizatı ilə bağlı iş və xidmətlər adları və ünvanları aşağıda göstərilən 48 internat tipli təhsil müəssisəsini əhatə edəcəkdir:

Sıra N-si	Təhsil müəssisəsinin adı	Yerləşdiyi ünvan
1	Fizika-Riyaziyyat və İnformatika Təmayüllü Lisey	Bakı şəhəri, S.Dadaşov küçəsi, 555-ci məhəllə
2	S.C.Pişəvəri adına Respublika Humanitar Fənlər Gimnaziyası	Bakı şəhəri, F.Yusifov küçəsi, 39
3	Kimya-Biologiya Təmayüllü Respublika Liseyi	Bakı şəhəri Ş.Mirzəyev küçəsi, 53
4	Azərbaycan Milli Konservatoriyasının nəzdində İncəsənət gimnaziyası	Bakı şəhəri, H.Cavid prospekti, 506-cı məhəllə
5	S.Bəhlulzadə adına Xarici Dillər Təmayüllü Gimnaziya	Bakı şəhəri, Qaraçuxur qəsəbəsi
6	A.S.Makarenko adına Humanitar Fənlər Təmayüllü Respublika İnternat Tipli Gimnaziya	Bakı şəhəri, “Şimal DRES” qəsəbəsi, L.Starçuk küçəsi, 1
7	10 nömrəli Sanatoriya Tipli İnternat Məktəbi	Bakı şəhəri, Sabunçu rayonu, Pirşağı qəsəbəsi, Hüseynbala Əliyev küçəsi.18A
8	8 nömrəli Sanatoriya Tipli İnternat Məktəbi	Bakı şəhəri, Xəzər rayonu, Buzovna qəsəbəsi, R.Axundov küçəsi, 1
9	Valideyn Himayəsindən Məhrum Olmuş Uşaqlar üçün 1 nömrəli Tam Orta İnternat Məktəbi	Bakı şəhəri, Sabunçu rayonu, Maştağa qəsəbəsi, Nizami küçəsi, 25
10	Valideyn Himayəsindən Məhrum Olmuş Uşaqlar üçün 2 nömrəli Ümumi Orta İnternat Məktəbi	Bakı şəhəri, Xəzər rayonu, Mərdəkan qəsəbəsi, Şərq küçəsi, 29
11	Sağlamlıq İmkanları Məhdud Uşaqlar üçün 2 nömrəli Xüsusi İnternat Məktəbi	Bakı şəhəri, Xəzər rayonu, Şüvəlan qəsəbəsi, H.Məmmədov küçəsi, 56
12	Sağlamlıq İmkanları Məhdud Uşaqlar üçün 3 nömrəli Respublika Xüsusi İnternat Məktəbi	Bakı şəhəri, Nizami rayonu, M.Şərifli küçəsi, 3
13	Sağlamlıq İmkanları Məhdud Valideyn Himayəsindən Məhrum Olmuş Uşaqlar üçün 4 nömrəli Respublika Xüsusi İnternat Məktəbi	Bakı şəhəri, Xəzər rayonu, Şüvəlan qəsəbəsi, H.Məmmədov küçəsi, 35
14	Sağlamlıq İmkanları Məhdud Uşaqlar üçün 5 nömrəli Respublika Xüsusi İnternat Məktəbi	Bakı şəhəri Nərimanov rayonu, Fətəli Xan Xoyski prospekti, 77
15	E.Mirzəyev adına Sağlamlıq İmkanları Məhdud Uşaqlar üçün 6 nömrəli Respublika Xüsusi İnternat Məktəbi	Bakı şəhəri, Xəzər rayonu, Türkan qəsəbəsi, Dənizkənarı küçəsi, 1
16	E.Quliyev adına Sağlamlıq İmkanları Məhdud Uşaqlar üçün 9 nömrəli Xüsusi İnternat Məktəbi	Bakı şəhəri, Qaradağ rayonu, Sahil qəsəbəsi, E.Quliyev küçəsi, 24
17	11 nömrəli İnteqrasiya təlimli internat məktəbi	Bakı şəhəri, Sabunçu rayonu, Bilgəh qəsəbəsi, Ü.Hacıbəyov küçəsi,12
18	Nizami rayonu, 3 nömrəli Xüsusi Ümumtəhsil Məktəbi	Bakı şəhəri, Nizami rayonu, Şərifli küçəsi, 3
19	Nəsimi rayonu, 11 nömrəli Xüsusi Təhsil Məktəbi	Bakı şəhəri, Nəsimi rayonu, Salatın Əsgərova küçəsi, 138
20	Nəsimi rayonu, 268 nömrəli Xüsusi Təhsil Məktəbi	Bakı şəhəri, Nəsimi rayonu, Süleyman Rüstəm küçəsi, 38
21	Sağlamlıq İmkanları Məhdud Uşaqlar üçün 12 nömrəli Xüsusi İnternat Məktəbi	Bakı şəhəri, Xəzər rayonu, Şüvəlan qəsəbəsi, A.İldırım küçəsi, 43A
22	Sağlamlıq İmkanları Məhdud Uşaqlar üçün Reabilitasiya Mərkəzi	Bakı şəhəri, Sabunçu rayonu, Bilgəh qəsəbəsi, 20-ci Qurultay küçəsi, 3
23	Sumqayıt şəhər Fars-İngilis Təmayüllü Orta İnternat Məktəbi	Sumqayıt şəhəri, Mehdi Hüseyn küçəsi ,6
24	Sumqayıt şəhər general M.Əsədov adına Tam Orta İnternat Məktəbi	Sumqayıt şəhəri, 9-cu mikrorayon, ev 11v
25	Sumqayıt şəhər Sağlamlıq İmkanları Məhdud Uşaqlar üçün Xüsusi İnternat Məktəbi	Sumqayıt şəhəri, 5-ci mikrorayon, C.Məmmədquluzadə küçəsi.
26	Gəncə şəhər İnternat Tipli Xarici Dillər Təmayüllü Gimnaziya	Gəncə şəhəri, Bağbanlar küçəsi,18
27	Gəncə şəhər Paşa Hüseynov adına Futbol Təmayüllü İnternat Tipli Gimnaziya	Gəncə şəhəri, H.Əliyev prospekti, 208
28	Gəncə şəhər Sanatoriya Tipli İnternat Məktəbi	Gəncə şəhəri, Gəncə prospekti, Nizami küçəsi, 235
29	Goranboy şəhər R.Ağakişiyev adına Ümumi Orta İnternat Məktəbi	Goranboy şəhəri, M.Məhərrəmov küçəsi, 23
30	Şəki şəhər Qarışıq Tipli İnternat Məktəbi	Şəki şəhəri, M.F.Axundov prospekti, 164
31	Mingəçevir şəhər Tam Orta İnternat Məktəbi	Mingəçevir şəhəri, Ü.Hacıbəyov küçəsi, 1
32	Balakən rayonu, Ümumi Orta İnternat Məktəbi	Balakən şəhəri, H.Əliyev küçəsi, 77
33	Salyan şəhər A.Səfərov adına Ümumi Orta İnternat Məktəbi	Salyan şəhəri, H.Z.Tağıyev küçəsi, 62
34	Siyəzən şəhər Ümumi Orta İnternat Məktəbi	Siyəzən şəhəri, T.İsmayılov küçəsi, 2
35	Neftçala şəhər M.Səfərov adına İnternat Məktəbi	Neftçala şəhəri, Ü.Hacıbəyov küçəsi
36	Lerik şəhər V.İbrahimov adına Tam Orta İnternat Məktəbi	Lerik rayonu, A.Əsədullayev küçəsi, 9
37	Zaqatala şəhər İnternat Məktəbi	Zaqatala şəhəri, Saleh Qocayev küçəsi, 1A
38	Bərdə şəhər İnklüziv Təhsil Komponentli Günüuzadılmış Ümumtəhsil Məktəbi	Bərdə şəhəri, M.Müşfiq küçəsi, 3
39	Göyçay şəhər S.Vurğun adına Tam Orta İnternat Məktəbi	Göyçay şəhəri, R.Rza küçəsi, 130
40	Tovuz rayon Qovlar şəhər Qarışıq Tipli Tam Orta İnternat Məktəbi	Tovuz rayonu, Qovlar qəsəbəsi, Vağzal küçəsi
41	Lənkəran şəhər Xarici Dillər Təmayüllü Gimnaziya	Lənkəran şəhəri, Z.Əliyeva küçəsi, 94
42	Lənkəran şəhər Sağlamlıq İmkanları Məhdud Uşaqlar üçün Xüsusi İnternat Məktəbi	Lənkəran şəhəri, Füzuli küçəsi, 125
43	Şamaxı rayonu Texniki, Humanitar və Təbiət fənləri Təmayüllü Gimnaziya	Şamaxı şəhəri, M.Ə.Rəsulzadə küçəsi, 25
44	Ağdaş rayon M.Şeyxzadə adına İnternat Tipli Texniki, Humanitar və Təbiət fənləri Təmayüllü Gimnaziya	Ağdaş şəhəri, H.Əliyev prospekti, 98
45	Füzuli rayon M.Xəzani adına Musiqi Təmayüllü Gimnaziya	Füzulu rayonu, Əhmədbəyli kəndi
46	Biləsuvar şəhər Texniki Fənlər Təmayüllü Lisey	Biləsuvar şəhəri, Mübariz İbrahimov küçəsi, 1
47	Quba şəhər Valideyn Himayəsindən Məhrum Olmuş Uşaqlar üçün Tam Orta İnternat Məktəbi	Quba rayonu, Zərdabi qəsəbəsi
48	Rüfət Kəlibiyev adına Xınalıq Tam Orta İnternat Məktəbi	Quba rayonu, Xınalıq kəndi

Yuxarıda adıçəkilən internat tipli təhsil müəssisələrində təhsil alan, mövcud qanunvericiliyə uyğun dövlət təminatında olan şagirdlərin keyfiyyətli hazır isti yeməklə təchizatı zamanı Azərbaycan Respublikası Nazirlər Kabinetinin 09.03.1994-cü il tarixli 103 nömrəli, 21.11.1994-cü il tarixli 402 nömrəli və 18.09.1995-ci il tarixli 206 nömrəli qərarları ilə müəyyənləşdirilmiş aşağıdakı qida normativlərinə riayət olunmalıdır:

Sıra N-si	Ərzaq məhsullarının adı	Bir şagirdin gündəlik qida norması (qramla, ədədlə)
1	Buğda çörəyi 1-ci növ	200
2	Buğda çörəyi 2-ci növ	200
3	Buğda unu 1-ci növ	39
4	Kartof unu	1
5	Yarma, paxlalar, makaron məmulatları	80
6	Kartof	370
7	Müxtəlif tərəvəzlər	470
8	Təzə meyvələr	300
9	Meyvə və tərəvəz şirələri	200
10	Qurudulmuş meyvələr	10
11	Şəkər	65
12	Qənnadı məmulatları	25
13	Dənəvər qəhvə, qəhvə içkisi	4
14	Kakao	2
15	Çay	2
16	Ət, quş əti	130
17	Balıq	50
18	Sud, kefir, qatıq	500
19	Kəsmik	70
20	Xama	20
21	Pendir	25
22	Kərə yağı	35
23	Bitki yağı	18
24	Yumurta (ədədlə)	1
25	Ədviyyat	2
26	Duz	9
27	Maya	2

Açıq tender proseduru 11 may 2016-cı il saat 16.00-da iddiaçıların və ya onların səlahiyyətli nümayəndələrinin iştirakı ilə təhsil nazirliyinin iclas zalında (IV mərtəbə) keçiriləcəkdir.

İddiaçılara təklif olunur ki, təklifləri tenderin əsas şərtlər toplusunun tələblərinə uyğun hazırlayaraq ikiqat bağlı zərflərdə (əsli və surəti) 10 may 2016-cı il, saat 17.00-a qədər tender komissiyasına təqdim etsinlər. Təklif zərflərinin bağlanan hissəsi iddiaçı tərəfindən imzalanıb, möhürlənməlidir. Təkliflər zərflər açıldıqdan sonrakı 30 bank günü müddətində qüvvədə olmalıdır.

Müəyyən vaxtdan sonra təqdim olunan tender təkliflərinə komissiyada baxılmayacaq və zərflər açılmadan geri qaytarılacaqdır.

İddiaçılar təkliflərlə birlikdə tender təklifinin 2%-i həcmində, 60 bank günü qüvvədə olan (zərflərin açıldığı tarixdən) bank təminatını təqdim etməlidirlər.

Tender təkliflərinin qiymətləndirilməsi və müqayisəsi zamanı qaneedici ilkin maliyyə imkanları (hesablaşma hesabında ən azı 500000 manat məbləğində sərbəst pul vəsaiti) olan, aidiyyəti üzrə maddi-texniki bazası (mətbəxi, anbarları, ət, tərəvəz və meyvə emalı sexləri, şirniyyat və çörək sexləri, avtomobil parkı, digər lazımi inventar və avadanlıqları), təcrübəli kadrları, 15-dən çox təhsil müəssisəsində təhsil alan şagirdlərin hazır isti yeməklə təchizatı sahəsində 2 ildən çox təcrübəsi, ictimai iaşə sistemində qida təhlükəsizliyinin təmin edilməsi məqsədilə qəbul olunmuş beynəlxalq statuslu standartlara (İSO 22000:2005) riayət edilməsinə dair müvafiq sertifikatı olan, iş və xidmətləri ilə daha çox sayda müəssisələri, xüsusi ilə təhsil müəssisələrini əhatə edən iddiaçılara üstünlük veriləcəkdir.

İddiaçı şagirdlərin gün ərzində müvafiq qaydada təhsil müəssisəsinin təqdim etdiyi sifariş və məlumatları əsasında, eləcə də təhsil müəssisəsi ilə iddiaçı arasında tərtib olunmuş həftəlik menyulara uyğun olaraq vaxtında keyfiyyətli hazır isti yeməklə təmin edilməsinə təminat verməlidir.

Tenderdə iştirak etmək istəyənlər Təhsil Nazirliyinə

VÖEN:1500046011

H/h AZ 30 CTRE 00000000000002168501

büdcə təsnifatı:7/142340

Dövlət Xəzinədarlığı Agentliyi

Kod:210005

M/H: AZ 41 NABZ 01360100000000003944

VÖEN:1401555071

S.W.İ.F.T. BİK CTREAZ22)

1000 (bir min) manat məbləğində iştirak haqqını ödədikdən sonra tenderin əsas şərtlər toplusunu tender komissiyasının əlaqələndiricisi İradə Mirzəhmədovadan ala bilərlər (Bakı, Xətai prospekti, 49, otaq 310, telefon: (012) 599-11-55 (daxili 52-49).

İştirak haqqı heç bir halda geri qaytarılmır.

İştirakçılar tərəfindən tender təkliflərindən əlavə aşağıdakı sənədlər təqdim edilməlidir:

-tenderdə iştirak etmək üçün yazılı müraciət (ərizə və ya məktub). Müraciətdə iddiaçının tam adı, hüquqi statusu, qeydiyyatdan keçdiyi ölkə və rekvizitləri barədə məlumatlar öz əksini tapmalıdır;

-iştirak haqqının ödənilməsini təsdiq edən bank sənədi;

-dövlət qeydiyyatı haqqında şəhadətnamənin notarial qaydada 2016-cı ildə təsdiq olunmuş surəti;

-nizamnamənin notarial qaydada 2016-cı ildə təsdiq olunmuş surəti;

-vergi borcunun olub-olmaması haqqında vergi orqanları tərəfindən verilmiş arayış;

-icbari sosial sığorta ayırmaları üzrə borcun olub-olmaması haqqında Dövlət Sosial Müdafiə Fondu tərəfindən verilmiş arayış;

-iddiaçının son bir ildə maliyyə vəziyyəti barədə bank arayışı və bank rekvizitləri;

-son bir ildəki maliyyə vəziyyətini əks etdirən və auditdən keçmiş balansın surəti;

-son iki ildə internat tipli təhsil müəssisələrində təhsil alan şagirdlərin keyfiyyətli hazır isti yeməklə təchizatı sahəsində fəaliyyəti barədə (hazır isti yeməklə təchiz olunmuş təşkilatların siyahısı göstərilməklə) ətraflı məlumat. Aparıcı beynəlxalq təchizatçılarla partnyor münasibətləri barədə məlumat da öz əksini tapmalıdır;

-maddi-texniki və kadr potensialı haqqında ətraflı məlumat. Təhsil müəssisələrinin şagirdlərinin keyfiyyətli hazır isti yeməklə təchizatı ilə bağlı iş və xidmətlərin görülməsi üçün potensial imkanları (şəbəkə) barədə məlumat da öz əksini tapmalıdır;

-iş və xidmətlərin görülməsi zamanı ictimai iaşə sistemində qida təhlükəsizliyinin təmin edilməsi məqsədilə Beynəlxalq Standartlaşdırma Təşkilatı tərəfindən qəbul olunmuş İSO 22000:2005 (HACCP sistemi) beynəlxalq statuslu standartlara (prinsiplərə) riayət olunması, bununla əlaqədar müvafiq sertifikatın mövcudluğu haqqında geniş məlumat (sertifikat olduğu halda təqdim edilməklə);

-SƏTƏM (Sağlamlıq, Əməyin Təhlükəsizliyi, Ətraf Mühit) siyasətinə riayət olunması barədə məlumat;

-beynəlxalq standartlaşdırma təşkilatları tərəfindən qəbul olunmuş qida məhsullarının təhlükəsizliyinin idarəetmə sistemlərinə dair proqramlar üzrə təlim keçən işçilər barədə məlumat.

-öz əmlakından sərbəst və məhdudiyyətsiz istifadə etmək imkanı barədə məlumat;

-müflis elan olunmaması, əmlakı üzərinə həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyətinin dayandırılmaması haqqında məlumat;

-satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yalnış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə məlumat.

Göstərilən sənədlər tələb olunan qaydada hazırlanıb, 20 aprel 2016-cı il tarixədək tender komissiyasına təqdim olunarsa, həmin iştirakçılar iddiaçı kimi qeydə alınacaqlar.

Açıq tender proseduru “Dövlət satınalmaları haqqında” Azərbaycan Respublikasının Qanununa uyğun keçiriləcəkdir.

Tender iştirakçıları tərəfindən “Dövlət satınalmaları haqqında” Azərbaycan Respublikası Qanununun və əsas şərtlər toplusunun tələblərinə uyğun gəlməyən tender sənədlərinin və təkliflərinin təqdim edilməsi həmin sənədlərin və təkliflərin kənarlaşdırılmasına səbəb ola bilər.

Tender komissiyası

Paylaş