Müsabiqə gənc nəslin Vətənə və dövlətə sədaqət ruhunda tərbiyə edilməsi, müstəqil dövlətçiliyimizin əsas atributlarından biri olan sərhədlərimizin müqəddəsliyinin, Dövlət Sərhəd Xidmətinin əldə etdiyi nailiyyətlərin, sərhəd xidmətinin xüsusiyyətlərinin, cəmiyyətdəki rolunun və əhəmiyyətinin ictimaiyyətə çatdırılması, sərhədlərimizin mühafizəsi sahəsində əcdadlarımızdan miras qalmış milli-mənəvi dəyərlərin, ənənələrin yaşadılması məqsədini daşıyır.

Müsabiqə üç nominasiya üzrə keçirilir - bədii ədəbiyyat (şeir, hekayə), təsviri sənət (rəngkarlıq) və qəzet məqaləsi.

Müsabiqənin şərtləri:

1. Müsabiqədə yaşından asılı olmayaraq bütün yaradıcı şəxslər iştirak edə bilərlər.

2. Müsabiqəyə təqdim olunan əsərlərin üzərində müəllif barədə məlumatlar göstərilmir. Həmin məlumatlar anketdə əks etdirilir (anketin forması qaydalara əlavə olunur) və zərfə qoyulur. Həm əsərin arxasında, həm də zərfin üzərində şərti ad qeyd olunur. Əsərlər müvafiq qaydada doldurulmuş anketlə birlikdə 2016-cı il iyun ayının 20-dək Dövlət Sərhəd Xidmətinin Şəxsi Heyət üzrə Baş İdarəsinə təqdim edilməlidir.

3. Təsviri sənət üzrə iştirakçılar müsabiqəyə 90 x 70 santimetr ölçüdən kiçik olmamaqla əsərlər təqdim etməlidirlər.

4. Təqdim olunan bütün əsərlərdə Azərbaycan Sərhəd Mühafizəsi tərənnüm edilməlidir.

5. Təqdim olunan işlər müsabiqəyədək heç bir yerdə çap, nəşr və yaxud nümayiş etdirilməməlidir.

6. Müsabiqənin şərtləri barədə əlavə məlumat almaq üçün Dövlət Sərhəd Xidmətinin Şəxsi Heyət üzrə Baş İdarəsinə müraciət etmək olar.

7. Müsabiqənin nəticələri Azərbaycan Sərhəd Mühafizəsinin 97-ci ildönümü ərəfəsində elan oluncaq.

Müsabiqə qalibləri üçün aşağıdakı mükafatlar təsis olunur:

Bədii ədəbiyyat üzrə:

Şeir

I yer -  1-ci dərəcəli diplom və 300 (üç yüz) AZN məbləğində pul mükafatı;

II yer - 2-ci dərəcəli diplom və 200 (iki yüz) AZN məbləğində pul mükafatı;

III yer - 3-cü dərəcəli diplom və 150 (yüz əlli) AZN məbləğində pul mükafatı.

Həvəsləndirici 3 yer: fəxri fərman (hər birinə) və 100 (yüz) AZN məbləğində pul mükafatı.

Hekayə

I yer -  1-ci dərəcəli diplom və 400 (dörd yüz) AZN məbləğində pul mükafatı;

II yer - 2-ci dərəcəli diplom və 300 (üç yüz) AZN məbləğində pul mükafatı;

III yer - 3-cü dərəcəli diplom və 200 (iki yüz) AZN məbləğində pul mükafatı.

Həvəsləndirici 3 yer: fəxri fərman (hər birinə) və 100 (yüz) AZN məbləğində pul mükafatı.

Təsviri sənət üzrə:

Rəngkarlıq

I yer -  1-ci dərəcəli diplom və 500 (beş yüz) AZN məbləğində pul mükafatı;

II yer - 2-ci dərəcəli diplom və 400 (dörd yüz) AZN məbləğində pul mükafatı;

III yer - 3-cü dərəcəli diplom və 300 (üç yüz) AZN məbləğində pul mükafatı.

Həvəsləndirici 3 yer: fəxri fərman (hər birinə) və 200 (iki yüz) AZN məbləğində pul mükafatı.

Qəzet məqaləsi üzrə:

I yer -  1-ci dərəcəli diplom və 250 (iki yüz əlli) AZN məbləğində pul mükafatı;

II yer - 2-ci dərəcəli diplom və 200 (iki yüz) AZN məbləğində pul mükafatı;

III yer - 3-cü dərəcəli diplom və 150 (yüz əlli) AZN məbləğində pul mükafatı.

Həvəsləndirici 3 yer: fəxri fərman (hər birinə) və 100 (yüz) AZN məbləğində pul mükafatı.

Müsabiqə ilə bağlı əlavə məlumat almaq üçün aşağıdakı ünvana müraciət etmək olar:

Ünvan: Bakı şəhəri, Zərifə Əliyeva küçəsi, 30, Dövlət Sərhəd Xidməti Aparatının inzibati binası

Əlaqə telefonları: 012 498-01-29, 012 498-01-55, 012 498-01-69,

 050 271-47-14

Müsabiqə iştirakçısının anketi
(nümunə)

________________________________________________________

(soyadı, adı, atasının adı)

Doğum tarixi _______________________________________________

Təhsili ____________________________________________________

İş yeri, vəzifəsi _____________________________________________

Ünvan, telefon (ev, iş, mobil) __________________________________

Müsabiqəyə təqdim olunan işlər

1. ________________________________________________________

2. ________________________________________________________

(əsərin adı)

İşi təhvil verdi:  _____________________________________________

İşi təhvil aldı:   ______________________________________________