Azərbaycan Turizm və Menecment Universiteti 2016-cı il mayın 21 və 22-də  “Azərbaycanda multikulturalizm yaşam tərzidir” mövzusunda respublika elmi konfransı keçirəcəkdir.

Konfransın keçirilməsində əsas məqsəd müasir dövrdə tolerantlığın, mədəni, dini və linqvistik  müxtəlifliyin  qorunması istiqamətində  aparılan  işləri  nəzərə alaraq  multikultural  dəyərlərin qorunmasının  daha mükəmməl modelinin hazırlanması və tətbiqi istiqamətində  aparılan tədqiqatların təbliği mexanizmini  hazırlamaq, mədəni-etnik müxtəlifliyin  dövlətçiliyin inkişafına xidmət göstərməsi yollarının müəyyənləşdirilib həyata keçirilməsidir.

Konfransda aşağıdakı istiqamətlər üzrə məruzələr dinləniləcəkdir:

1. Multikulturalizm və tolerantlığın mahiyyəti və təbliği.

2. Mədəni-etnoqrafik müxtəlifliyin dövlətçiliyin inkişafına təsiri.

3. Mədəni, dini müxtəlifliyin tolerant əsasları.

4. Multikultural dəyərlərin mədəniyyətlərin inkişafına təsiri.

5. Mədəni irsin təbliği və qorunması.

6. Azərbaycan multikulturalizm mərkəzidir.

7. Mədəni müxtəlifliyin turizmin inkişafına təsiri.

8. Multikulturalizmin təbliğində bədii mədəniyyətin rolu.

Konfransda iştirak etmək üçün məruzənin mövzusu və müəllif haqqında aşağıda göstərilən məlumatlar daxil edilmiş ərizənin 2016-cı il  mayın 1-dək təşkilat komitəsinə göndərilməsi vacibdir:

· adı, soyadı, atasının adı;

· elmi dərəcəsi;

· iş yeri, vəzifəsi;

· poçt ünvanı (iş və ev);

· telefon, faks ( şəhər kodu göstərilməklə);

· elektron ünvan;

· məruzənin mövzusu;

· istiqaməti;

· texniki vasitələrdən istifadənin vacibliyi.

Təşkilat komitəsi proqrama uyğun olaraq məruzələrin seçimini və proqrama daxil edilməsi hüququnu öz üzərinə götürür, redaksiya heyəti isə proqrama daxil edilmiş məruzələrin redaktə olunması işini həyata keçirir. Elmi səviyyəsi tələblərə uyğun olmayan materiallar məruzə üçün qəbul edilməyəcək.

Məruzə üçün seçilmiş materiallar konfransın başlanmasına qədər nəşr olunacaq.

Konfrans  Azərbaycan və rus dillərində keçirilir.

Konfrans haqqında məlumat Azərbaycan Turizm və Menecment Universitetinin saytında yerləşdirilmişdir (http:// www.tourism.edu.az).

Məqalə müraciət forması ilə birlikdə elektron şəkildə 2016-cı il mayın 1-dək ( konfrans [email protected]) elektron ünvanına göndərilməlidir.

Əlaqə telefonu: (012) 4644233 (125)

Ünvan: Bakı, Koroğlu Rəhimov küçəsi,  822/23.

Email: [email protected]

Təşkilat komitəsi