Sumqayıt Kimya Sənaye Parkının 94.13 hektar ərazisinə çəkiləcək dəmiryolu xəttinin layihə-smeta  sənədlərinin hazırlanması işlərinin satınalınması üçün təkliflər sorğusu keçirir.  

İddiaçılar təkliflər sorğusunda iştirak etmək üçün aşağıdakı sənədləri təqdim etməlidirlər:

- təkliflər sorğusu prosedurunda iştirak etmək üçün yazılı müraciət;

- qiymət təklifi (zərflərin açıldığı tarixdən sonra ən azı 30 bank günü qüvvədə olmalıdır);

- qiymət təklifi dəyərinin 1%-i həcmində bank təminatı (təklifin qüvvədə olma müddəti bitdikdən sonra ən azı 30 bank günü);

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq dövlət orqanlarından arayış; 

- iddiaçının son bir ildəki maliyyə vəziyyəti haqqında bank arayışı;

- iddiaçının tam adı, hüquqi statusu, nizamnaməsi, lisensiyası, qeydiyyatdan keçdiyi ölkə və rekvizitləri;

- direktor təyin olunmasına dair təsisçinin arayışının surəti;

- tələb olunan digər zəruri sənədlər.

Təkliflər sorğusu proseduru “Dövlət satınalmaları haqqında” Azərbaycan Respublikası Qanununa uyğun keçiriləcəkdir.

İddiaçılar təkliflər sorğusu prosedurunda iştirak etmək üçün yuxarıda göstərilən sənədləri 26 fevral 2016-cı il saat 17.00-dək “Sumqayıt Kimya Sənaye Parkı” MMC-nin Bakı şəhəri, Xocalı prospekti 37, “Demirchi Tower” ünvanında yerləşən ofisə təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır.

İddiaçıların təklifləri 29 fevral 2016-cı il saat 15.00-da Bakı, Xocalı prospekti 37, “Demirchi Tower” ünvanında yerləşən ofisdə açılacaqdır:

Əlaqələndirici şəxs: Abbas

Mamedov (telefon: 012-488-80-65).

Maraqlananlar tərtib olunan əsas şərtlər toplusunu yazılı müraciət etməklə əldə edə bilərlər.