Sorğuda iştirak edəcək fiziki və hüquqi şəxslərə ediləcək əsas tələblər:

- təmir işlərinin cədvələ uyğun aparılmasını təmin etmək;

- görüləcək  təmir işlərinin keyfiyyətinə zəmanət vermək;

- təmir işlərinin bitməsi ilə əlaqədar tələb olunan sənədləşmənin aparılması;

Təkliflər sorğusunun qiymətləndirilməsində mövcud qanunvericiliyə uyğun ən səmərəli təkliflər sorğusuna, işlərin yerinə yetirilməsində təcrübəsi, kadr potensialı, maliyyə və texniki imkanları olan meyarlara üstünlük veriləcəkdir.

İddiaçılar təkliflər sorğusunda iştirak etmək üçün aşağıdakı sənədləri təqdim etməlidirlər:

- təkliflər sorğusunda iştirak etmək üçün ərizə (ərizədə müəssisənin adı, yerləşdiyi ünvan, poçt indeksi, telefon nömrəsi, rəhbərin adı, soyadı göstərilməklə möhürlü və imzalı olmalıdır);

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında arayış;

- Azərbaycan Respublikası dövlət icra orqanı tərəfindən müəssisəyə verilmiş lisenziyanın notariusda təsdiq olunmuş surəti;

- iddiaçının son bir ildəki maliyyə vəziyyəti haqqında bank arayışı;

- iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabının surəti (forma №1 və forma №2);

- iddiaçının analoji işlərdə təcrübəsi, potensial texniki və kadr imkanları haqqında rəsmi təlimat;

- iddiaçının tam adı, rəsmi statusu, nizamnaməsi, qeydiyyatdan keçdiyi ölkə və rekvizitləri.

Maraqlanan təşkilatlar tələb olunan sənədlərin bir nüsxəsini və təkliflər sorğusunu hazırlayıb 15 yanvar 2016-cı il saat 17.00-dək ikiqat zərfdə bağlanmış, möhürlənmiş şəkildə (ƏDV daxil olmaqla) Bakı, Üzeyir Hacıbəyov küçəsi, 72 nömrəli ünvanda yerləşən “Bakı Beynəlxalq Dəniz Ticarət Limanı” QSC-nin tender komissiyasına təqdim etməlidirlər. Təkliflər sorğusu haqqında əlavə məlumat almaq üçün (012) 4989184 telefon nömrəsilə əlaqə saxlamaq olar.