AÇIQ  TENDER  ELAN  EDİR

Tender  1 lot üzrə keçirilir.

Lot -1:  Yeməkxanaya ərzaq məhsullarının  satınalınması.

 Tenderdə iştirak etmək üçün iddiaçılar 300 (üç yüz)  manat məbləğində pul vəsaitini aşağıdakı hesaba köçürdükdən sonra əsas şərtlər toplusunu Bakı şəhəri,  Xətai rayonu, S.Ə.Şirvani küçəsi 159 nömrəli ünvandan Protez-Ortopedik Bərpa Mərkəzindən ala bilərlər.

Tenderin əsas şərtlər toplusu Azərbaycan dilində hazırlanmışdır.

İştirak haqqı Azərbaycan Respublikası Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzinin aşağıdakı hesabına köçürülməlidir.

Adı: Protez-Ortopedik Bərpa Mərkəzi

VÖEN:1000341661

Hesab:AZ 81 İBAZ 38060019449725614215

Adı: ABB Xətai filialı

Kod: 805625

VÖEN: 9900001881

Müxbir / hesab: AZ 03 NABZ 01350100000000002944

S.W.İ.F.T. Bik: İBAZAZ2X

İştirak haqqı heç bir halda geri qaytarılmır.

Tender təkliflərinin qiymətləndirilməsində aşağıdakı meyarlara üstünlük veriləcəkdir:

- mövcud qanunvericiliyə uyğun olaraq ən səmərəli tender təklifinə, yüksək keyfiyyətə, iddiaçıların analoji işlər üzrə təcrübəsinə, kadr potensialına, maliyyə və texniki imkanlarına.

İddiaçılar tenderdə iştirak etmək üçün 11 yanvar 2016-cı il saat 17.00-a qədər aşağıdakı sənədləri təqdim etməlidirlər:

- tenderdə iştirak etmək üçün yazılı müraciət (ərizə) ;

- iştirak haqqının ödənilməsi barədə bank sənədi ;

- Azərbaycan Respublikasında büdcə, bank, sosial sığorta və vergi öhdəliklərinin olmaması haqqında arayış;

- iddiaçının son bir ildəki maliyyə vəziyyəti haqqında bank arayışı;

- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;

- iddiaçının bu sahədə iş təcrübəsi haqqında rəsmi məlumat.

Tenderdə iştirak etmək istəyən təşkilatların ixtisas göstəricilərinə dair tələblər, tender üzrə sənədlərin geniş siyahısı, hazırlanması, təqdim olunması qaydaları və iddiaçıların təqdim etdikləri tender təklifləri Azərbaycan dilində olmalıdır.

Tender prosedurunun başlanmasına ən azı 1 (bir) gün qalmış tender təklifi, 7 (yeddi) bank günü qalmış digər sənədlər təqdim olunur.

Tender təklifi 2 nüsxə olmaqla (əsli və surəti) tender təklifinin 2%-i həcmində bank təminatı ilə birlikdə 18 yanvar 2016-cı il saat 17.00-a qədər ikiqat zərfə qoyularaq, hər iki zərfin bağlı tərəfi imzalanıb möhürlənərək ümumi bir zərfdə (ünvan, telefon göstərilməklə) Azərbaycan Respublikası Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzinə təqdim edilməlidir.

Tender təklifi tender proseduru keçirildiyi tarixdən sonra ən azı 30 (otuz) bank günü müddətində qüvvədə olmalıdır.

Tender təklifi dəyərinin 2%-i həcmində bank təminatı tender proseduru keçirildiyi tarixdən sonra ən azı 60 bank günü müddətində qüvvədə olmalıdır.

Bank təminatını tender təklifi zərfində təqdim etməyən iddiaçının təklifi etibarsız sayılır və qiymətləndirilməyə buraxılmır.

Tender proseduru “Dövlət satınalmaları haqqında” Qanuna uyğun keçiriləcəkdir.

Tender prosedurunda iddiaçıların səlahiyyətli nümayəndələri iştirak edə bilərlər.

İddiaçıların təklifləri 19 yanvar 2016-cı il saat 10.00-da Bakı şəhəri,  Xətai rayonu, S.Ə.Şirvani küçəsi, 159 nömrəli ünvanda Protez-Ortopedik Bərpa Mərkəzinin binasında keçiriləcəkdir.

Əlaqə telefonları: (012) 376-80-11, (012) 375-65-94, (055) 211-52-84.

Tender komissiyası