2015-ci il iyulun 15-də “Qiymətli kağızlar bazarı haqqında” Azərbaycan Respublikası Qanunu qüvvəyə minmişdir. Bununla əlaqədar olaraq:

1. Bu qanun qüvvəyə mindiyi tarixdən etibarən səhmlərin mülkiyyətçilərinin reyestrinin aparılması fəaliyyətinə lisenziya almış şəxslərin lisenziyaları ləğv edilmişdir.Həmin şəxslər  apardıqları reyestrləri 2015-ci il sentyabrın 15-dək mərkəzi depozitara təhvil verməlidirlər.

2. Bu qanun qüvvəyə mindiyi tarixdən etibarən səhmdarlara verilən adi, adlı səhmlərin sertifikatı etibarsız hesab edilir, səhmlər sənədsiz formaya dəyişdirilir və səhmdarların reyestri mərkəzi depozitar tərəfindən aparılır.

3. Sənədsiz qiymətli kağızların mülkiyyətçiləri depozitar sistemində depo hesabına malik olmalıdır və həmin depo hesabından çıxarış səhmlərə mülkiyyət hüququnu təsdiqləyən yeganə hüquqi sənəddir.

Qeyd edilənləri nəzərə alaraq, “Azərbaycan Beynəlxalq Bankı” ASC səhmdarlarının adına mərkəzi depozitarda depo hesabının açılması üçün səhmdarlar ən qısa müddətdə şəxsiyyət vəsiqələri ilə bankın Nizami küçəsi, 67 nömrəli  ünvanda yerləşən əsas binasına iş günləri saat 10.00-dan 17.00-dək müraciət etməlidirlər.

“Azərbaycan Beynəlxalq Bankı” ASC