Azərbaycan Respublikası büdcəsinin vəsaiti hesabına tikintisi 2015-ci ildə başlanmış, hazırda aparılan və dövlət zəmanəti ilə “Azərbaycan Beynəlxalq Bankı” ASC-nin vasitəsilə Azərbaycan Respublikası Mərkəzi Bankı tərəfindən ayrılmış məqsədli kredit hesabına Tərtər çayının Bərdə rayonunun Zümürxan kəndi ərazisindən keçən hissəsində sahilbərkitmə işlərinin davam etdirilməsi məqsədilə

 Açıq tender elan edir

Tenderin keçirilməsində əsas məqsəd yuxarıda qeyd olunan tender predmeti üzrə yüksək texniki və maliyyə potensialına malik, peşəkar və səriştəsi olan, nəzərdə tutulmuş sahilbərkitmə işlərini müvafiq standartlara tam cavab verən tələblərlə apara bilən podratçı təşkilatları satınalma proseduruna dəvət etməkdir.

Tenderin keçirilməsində Azərbaycan Respublikasının “Dövlət satınalmaları haqqında” qanununun alqı-satqı şərtləri əsas tutulacaqdır.

Tender iştirakçıları təkliflərini 2 nüsxədən ibarət olan möhürlənmiş zərflərdə təqdim etməlidirlər.İddiaçıların tenderdə iştirak etmək üçün göstəriciləri aşağı meyarları tam əhatə etməlidir:

- iddiaçıların sahilbərkitmə işlərinin aparılması üzrə təcrübəsi olmalıdır (obyektlərin siyahısı, ünvanları və icra olunmuş işlərin məbləğini göstərməklə);

- sahilbərkitmə işlərinin yerinə yetirilməsi üçün iddiaçının idarəetmə səriştəsi, lazımi texniki, maliyyə və professional imkanları olmalıdır;

- işlərin görülməsi üçün iddiaçının lazımi qədər sərbəst vəsaitləri olmalıdır;

-iddiaçının ən azı 1 milyon manat məbləğində səlahiyyətli bankdan kreditin alınması imkanı olmalıdır və bu imkan haqqında təsdiqedici sənəd təqdim olunmalıdır;

- Azərbaycan Respublikasında vergilərə və digər icbari ödənişlərə dair öhdəliklərin olub-olmaması barədə vergi orqanlarından rəsmi arayışlar;

- iddiaçının son üç ildəki maliyyə vəziyyəti haqqında bank arayışları;

- iddiaçıların kredit borclarının olmaması haqqında bank arayışları;

- iddiaçının son bir ildəki fəaliyyəti haqqında vergi orqanı tərəfindən təsdiq edilmiş maliyyə hesabatının surəti (Forma 1 və Forma 2);

- iddiaçının lazımi qədər maddi bazası və işçi qüvvəsinin tərkibində yüksək səviyyəli mütəxəssislər olmalıdır.

- Bərpa Agentliyi tərəfindən öncə keçirilən tenderlərdə iddiaçıların axırıncı 3 ildə icra etdikləri obyektlərin yüksək keyfiyyətlə və vaxtında istifadəyə verilməsi bir qayda olaraq nəzərə alınacaqdır.

Tender haqqında hərtərəfli məlumat almaq üçün iddiaçılar aşağıdakı ünvana müraciət edə bilərlər:

Azərbaycan Respublikası, Bakı şəhəri, İbrahimpaşa Dadaşov küçəsi 260, III mərtəbə.

Əhməd Əhmədov - əməliyyatlar üzrə menecer

Tel. (99412)5617281; Faks: (99412) 5617098;

Tenderdə iştirak etmək üçün iddiaçılar yazılı sorğu və sənədlər toplusu üçün geri qaytarılmayan 1000 manat məbləği Bərpa Agentliyinin hesabına: Azərbaycan Respublikası Beynəlxalq Bankı, ABB premyer müştəri xidməti, kod 805250; VÖEN 9900001881; müxbir hesab: 01350100000000002944; S.W.İ.F.T. Kod: BIC: İBAZAZ 2X, hesab AZN AZ32 İBAZ 38030029449330720120, VÖEN 1400294891 köçürülməlidirlər.

İddiaçılar, tender təklifinin 2 %-i məbləğində bank zəmanətini tender komissiyasına təqdim etməlidirlər.

Möhürlənmiş zərflərdə tender təklifləri  7  sentyabr 2015-ci il  yerli vaxtla saat 14.30-dək yuxarıda göstərilən ünvanda qəbul ediləcəklər.

Tenderin açılışı  8 sentyabr 2015-ci il saat 14.30-da Bərpa Agentliyində keçiriləcəkdir.

Tender komissiyası