1. Məcmu kapitalın minimal məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, eləcə də Mərkəzi Bankın verdiyi yazılı göstərişləri yerinə yetirmədiyinə görə “Banklar haqqında” Azərbaycan Respublikası Qanununun 16.1-ci, 16.1.6-cı, 16.1.8-ci, 16.1.9-cu və 16.1.18-ci maddələrinə əsasən, Bakı şəhəri, Nizami küçəsi, 111 nömrəli ünvanda yerləşən “Azərbaycan Kredit Bankı” ASC-nin bank lisenziyası ləğv olunur.

2. “Azərbaycan Kredit Bankı” ASC-nin bank lisenziyasının ləğvi barədə qərar “Banklar haqqında” Azərbaycan Respublikası Qanununun 18.1-ci maddəsinə uyğun olaraq dərc edildiyi günün ertəsi gün qüvvəyə minir və lisenziyanın ləğvi barədə qərardan 30 gün müddətində Azərbaycan Respublikasının 1 saylı  Bakı İnzibati-İqtisadi Məhkəməsinə şikayət verilə bilər.