2015/2016-cı tədris ilində aşağıdakı ixtisaslar üzrə əlavə
ali təhsil almaq ücün qiyabi şöbəyə qəbul elan edir

1. Dövlət və bələdiyyə idarəetməsi

2. Menecment

3. Beynəlxalq münasibətlər

4. Politologiya

Əlavə ali təhsil ödənişli formada müəssisə, təşkilat, idarə və ayrı-ayrı vətəndaşlarla Dövlət İdarəçilik Akademiyası arasında bağlanmış fərdi müqavilələr əsasında həyata keçirilir. Əvvəlki ali təhsili və ya hazırda (1 ildən az olmayaraq) işlədiyi vəzifəsi seçdiyi ixtisasa uyğun gələn şəxslər mövcud qaydaya əsasən müsahibədə iştirak edə bilərlər.

Əlavə ali təhsil almaq istəyənlər aşağıdakı sənədləri təqdim etməlidirlər:

- rektorun adına ərizə;

- ali təhsil haqqında sənədin (diplomun) və qiymət kitabçasından çıxarışın (diploma əlavə - saatların miqdarı göstərilməklə) notarial qaydada təsdiqlənmiş surətləri;

- əmək kitabçasının surəti;

- göndəriş-zəmanət məktubu;

- 3x4 sm ölçüdə 4 ədəd fotoşəkil;

- sağlamlıq haqqında arayış;

- şəxsiyyəti təsdiq edən sənəd

Qəbul komissiyası mərkəzi və yerli icra hakimiyyəti və digər təşkilatların    rəhbərləri  tərəfindən verilən göndəriş-zəmanət məktublarını nəzərə alacaq.

Sənədlər iyul ayının 1-dən hər gün (şənbə və digər istirahət günlərindən başqa) saat 10-dan 17-dək akademiyanın inzibati-tədris binasında (1-ci mərtəbə, 23 nömrəli otaqda) qəbul edilir.

Əlavə ali təhsil almaq üçün Dövlət İdarəçilik Akademiyasına sənəd vermiş şəxslərlə müəyyən edilmiş qaydada müsahibə aparılır. Müsahibədən keçmiş şəxslər qüvvədə olan əsasnaməyə uyğun əlavə ali təhsil ixtisası üzrə tələbələr sırasına qəbul edilir, müvafiq kurslara yerləşdirilirlər.Qruplarda tələbələrin sayı mövcud qayda ilə müəyyən edilir.

Xaricdə təhsil almış şəxslər təhsillərini növbəti pillədə davam etdirmək üçün Azərbaycan Respublikası Təhsil Nazirliyində müvafiq proseduru keçməklə şəhadətnamə almalıdırlar.

Təhsil ödənişlidir. Təhsil haqqı müqavilə əsasında ayrı-ayrı ixtisaslara uyğun olaraq ödənilir.

Telefon: 492-66-19

Ünvan: Bakı, Lermontov küçəsi, 74.

Rektorluq