Azərbaycan Respublikasının Mərkəzi Bankı yanında Maliyyə  Monitorinqi Xidməti üçün 30 iyun - 2 iyul 2015-ci il tarixlərdə seminarın keçirilməsi məqsədilə müvafiq zalın icarəsi, yüksək sürətli internet rabitəsinin təmin olunması, nahar yeməklərinin və çay-qəhvə fasilələrinin təşkili ilə bağlı xidmətlərin satınalınması məqsədilə  2015-ci il  mayın 30-da  kotirovka sorğusu elan edir.

İddiaçılar tərəfindən təqdim olunan qiymət təklifləri bütün xərclər nəzərə alınmaqla milli valyutada göstərilməlidir.

Möhürlənmiş və imzalanmış təklif zərfləri  8 iyun 2015-ci il saat 18.00-dək Maliyyə Monitorinqi Xidmətinin inzibati binasında satınalmalar komissiyasının üzvü tərəfindən qəbul ediləcəkdir.

 Zərflər  9 iyun 2015-ci il  saat 10.00-da Maliyyə Monitorinqi Xidmətinin inzibati binasında açılacaqdır.

 İddiaçılar, ən azı, bir gün qabaqcadan səlahiyyətli nümayəndəsinin adını yazılı surətdə satınalmalar komissiyasına bildirməklə zərflərin açılmasında iştirak etməyə dəvət olunurlar. Bu zaman həmin şəxs səlahiyyətlərini təsdiq edən müvafiq sənəd və ya vəkalətnamə təqdim etməlidir.

Sorğu ilə bağlı əlavə məlumat almaq üçün 598-20-56 (daxili 262) nömrəli telefonla əlaqələndirici şəxs Niyazi Əsədullayevə müraciət etmək olar.