Azərbaycan Turizm və Menecment Universiteti Prezident Yanında İdarəçilik Akademiyası ilə birlikdə  2015-ci il oktyabrın 24 və 25-də müasir dövrdə səmərəli idarəetmənin problemləri  mövzusunda respublika konfransı keçirəcək. Konfransın keçirilməsində əsas məqsəd müasir dövrdə müxtəlif sahələrin idarə edilməsində yol verilən nöqsanların müəyyənləşdirilməsi və onların aradan qaldırılması yollarının müzakirə edilərək tətbiqi üçün qəbulu və yeniliklərin tətbiq olunması istiqamətində perspektiv imkanların nəzərdən keçirilməsidir. Konfransda aşağıdakı istiqamətlər üzrə məruzələr dinləniləcək:

1. Dövlətin və bələdiyyənin idarə edilməsi.

2. Sosial-iqtisadi sahənin idarə edilməsi.

3. Təhsil və mədəniyyətin idarə edilməsi.

4. Xidmət sahələrinin idarə edilməsi.

5. Biznes idarəçiliyi.

6. İdarəetmənin hüquqi əsasları.

7. Beynəlxalq münasibətlərin aktual problemləri və tarixi.

Konfransda iştirak etmək üçün məruzənin mövzusu və müəllif haqqında aşağıda göstərilən məlumatlar daxil edilmiş ərizə 2015-ci il  sentyabrın 20-dək təşkilat komitəsinə göndərilməlidir:

Adı, soyadı, atasının adı

· Elmi dərəcəsi ·

· İş yeri, vəzifəsi

· Poçt ünvanı (iş və ev) ·

· Telefon, faks ( şəhər kodu göstərilməklə)

· Elektron ünvan

· Məruzənin mövzusu

· İstiqaməti

· Texniki vasitələrdən istifadənin vacibliyi.

Təşkilat komitəsi proqrama uyğun məruzələrin seçimini və proqrama daxil edilməsi hüququnu öz üzərinə götürür, redaksiya heyəti isə proqrama daxil edilmiş məruzələrin redaktəsini  həyata keçirir. Elmi səviyyəsi tələblərə uyğun olmayan materiallar məruzə üçün qəbul edilməyəcək. Məruzə üçün seçilmiş materiallar konfransın başlanmasına qədər nəşr olunacaq. Konfransın keçirildiyi dil: Azərbaycan və rus dilləridir.

QEYD: iştirak haqqı 40 manatdır.

Məqalələrin tərtib olunma qaydaları:  Məqalələr 5 səhifədən ibarət Azərbaycan və rus dillərində təqdim olunmalıdır. Konfrans haqqında məlumat Azərbaycan Turizm və Menecment Universitetinin saytında yerləşdirilmişdir.

(http:// www.tourism.edu.az)

Məqalə müraciət forması ilə birlikdə 2015-ci il sentyabrın 20-dək   [email protected] elektron ünvanına göndərilməlidir. Əlaqə telefonu: (012) 4644233 (125) Ünvan: Bakı, Koroğlu Rəhimov küçəsi,  822/23

Email: konfrans2015@

tourism.edu.az

Təşkilat komitəsi