"Paşa Sığorta" şirkəti keçən həftə "Paşa Sığorta" - rahatlığınızın zəmanəti" şüarı altında milli reklam kampaniyasına start verdi. Kampaniyanın adı sığorta şəhadətnamələrinin imzalanmasına qədər və sığorta müqaviləsinin qüvvədə olduğu müddət ərzində müştərilərin - sığortalıların tam rahatlığının təmin olunmasına istiqamətlənmiş "Paşa Sığorta" şirkətinin korporativ fəlsəfəsinin reallaşdırılması çərçivəsində seçilmişdir.
Start götürmüş reklam kampaniyasının əsas elementi gənc ailənin həyatının müxtəlif anlarını auditoriyanın diqqətinə təqdim edən televiziya reklam rolikləri olacaqdır ki, burada gənc ailənin gündəlik evdə, işdə və istirahətdə maraqlarını və rahatlığını təmin edən müəyyən sığorta istiqamətləri göstərilir. Televiziya kampaniyası iki ay davam edəcək və eyni zamanda küçə reklamı bazarında transparantlar, həmçinin aparıcı çap vasitələrində reklam və paytaxtın biznes mərkəzləri daxilində reklam daşıyıcıları vasitəsilə dəstəklənəcəkdir.
"Paşa Holdinq"in tərkibində fəaliyyət göstərən "Paşa Sığorta" ASC korporativ və fərdi müştərilərə 31 sığorta növü üzrə xidmət göstərir. Kapitallaşma göstəricilərinə görə "Paşa Sığorta" 20 milyon manat nizamnamə kapitalı və 28 milyon manat cari məcmu aktivlə ölkənin aparıcı sığortaçılarının ilk üçlüyünə daxildir. 2007-ci ildən "Paşa Sığorta" şirkətinin idarəetmə sistemi ISO 9001 beynəlxalq idarəetmə standartı üzrə Britaniyanın Moody agentliyi tərəfindən sertifikatlaşdırılmışdır. 2009-cu ildən "Paşa Sığorta" insan haqlarının müdafiəsi, ətraf mühitin mühafizəsi və korrupsiya əleyhinə mübarizə üzrə BMT-nin Qlobal Saziş Təşəbbüsünün (UN Global Compact Initiative) iştirakçısıdır.{nl}