2015-ci il büdcə göstəricilərində “Sosial təminat” köməkçi bölməsi üzrə ayrılmış vəsait hesabına “Görmə qabiliyyəti zəif olan, sağlamlıq imkanları məhdud uşaqlar üçün informasiya mərkəzlərinin yaradılması”, “Sağlamlıq imkanları məhdud uşaqların sayı 1000 nəfərdən çox olan rayonlarda-şəhərlərdə (Şəmkir, Biləsuvar, Cəlilabad, Xaçmaz, Masallı, Sabirabad, Yardımlı və Şamaxı rayonları üzrə) icma əsaslı sosial reabilitasiya mərkəzlərinin fəaliyyətinin təşkili” və “Eşitmə və nitq qabiliyyəti zəif olan, sağlamlıq imkanları məhdud uşaqlar üçün reabilitasiya xidmətlərinin göstərilməsi” adlı müsabiqələr keçirir.

Müsabiqələrdə qeyri-hökumət təşkilatları iştirak edə bilərlər.

İştirak haqqı yoxdur.

Maraqlanan təşkilatlar müsabiqənin əsas şərtlər toplusunu və texniki tapşırığı əldə etmək üçün Bakı şəhəri, Salatın Əsgərova küçəsi, 85 nömrəli   ünvana yazılı müraciət edə bilərlər.

Müsabiqələrdə iştirak edən təşkilatların təklifləri Salatın Əsgərova küçəsi, 85 nömrəli ünvana 16 mart 2015-ci  il  saat 11.00-dan gec olmayaraq təqdim edilməlidir. Gecikdirilmiş təkliflər qəbul olunmayacaqdır.

 Müsabiqələr 16 mart 2015-ci il saat 15.00-da Əmək və Əhalinin Sosial Müdafiəsi Nazirliyində  keçiriləcəkdir.

Əlaqə telefonu: (012) 596-44-09

Müsabiqə komissiyası