Keyfiyyət və yüksək xidmət standartları ilə fərqlilik yaradan “Fresco” supermarketləri xidmət şəbəkəsinə daha bir ünvanı əlavə edib. “Fresco - təravətin ünvanı” hər kəsə yaxın olsun prinsipinə sadiq qalaraq keyfiyyət, çeşidlilik, yüksək xidmət, müştəri məmnuniyyəti və sosial məsuliyyət hədəfləri ilə Bakı hüdudlarından kənarda da öz şəbəkəsini genişləndirməyə davam edir.

Xırdalan şəhəri, Mehdi Hüseynzadə küçəsi 54B nömrəli ünvanda yerləşən 1900 kvadratmetrlik geniş sahəni əhatə edən yeni supermarket də məhz yuxarıda sadalanan dəyərlərə sadiq qalaraq öz qapılarını alıcıların üzünə açır.

Xırdalan “Fresco” supermarketi dadlı təamlar, çeşidli ət, balıq və süd məhsulları, ərzaq, təravətli meyvə-tərəvəz, müxtəlif məişət malları ilə yolunuzu səbirsizliklə gözləyir. Supermarketin daxilində, dünya standartlarına cavab verən sahədə, xüsusi reseptlərlə bişirilmiş dadlı və ləzzətli un məmulatları sizin zövqünüzü oxşayacaq.

Təravət adımızdadır

“Fresco”-da satılan ət və ət məhsulları Azərbaycan Respublikasının müvafiq qurumları  tərəfindən baytar baxışından keçmiş, heç bir halda istehlakçının sağlamlığını risk altına qoymayan tamamilə təzə və keyfiyyətli şəkildə təklif edilir. Ət məhsulları gündəlik olaraq xüsusi gigiyenik şəraitdə ərzaq təhlükəsizliyi qaydalarına tam riayət edilərək kəsilir, hissələrə ayrılır və qablaşdırlır.

Müştərilər zövqlərinə uyğun diri balıqları, Xəzər dənizi və dünya okeanlarının nemətlərini öz süfrələrinin əvəzolunmazları sırasına “Fresco” sayəsində çox asanlıqla daxil edə biləcəklər.

“Fresco” supermarketi “Təravətin ünvanı” şüarını hər zaman doğruldaraq sizin üçün meyvələrin təzəsini, təravətlisini və xeyirlisini təqdim etmək üçün tələsir. Marketdə müştərilərə təklif edilən meyvə, tərəvəz və göyərtilərə xüsusi nəvaziş göstərilir, onların təmiz və təravətli şəkildə süfrənizə gəlməsi təmin edilir. Bütün bunları siz kənd təsərufatı məhsulları bazarlarındakı qiymətlərə və hətta daha ucuza əldə edə bilərsiniz.

Bundan başqa Xırdalan supermarketində tər gülləri, xanımlar üçün kosmetik vasitələri, rəngarəng bijuteriyaları, müxtəlif cür telefon aksesuarlarını əldə etmək çox asan olacaq.

Gülərüz və peşəkar personal

“Fresco” supermaketi əməkdaşları yüksək ixtisaslı peşəkarlar tərəfindən daim təlimlər keçir, öz karyeralarını sağlam bünövrə üstündə qururlar. Müştərilərlə davranış, müxtəlif ərzaq, qida, kənd təsərrüfatı məhsulları və ev əşyaları üzrə təlimlər keçmiş, müştəri məmnuniyyətini daim üstün tutan əməkdaşlar öz diqqət və qayğılarını sizdən əsirgəməyəcək, alış - verişinizdən zövq almağı təmin edəcəklər.

Xüsusi bonus sistemi

Açılış günü “Fresco” supermarketləri xüsusi endirim kampaniyaları ilə görüşünüzə gələcək. Bununla yanaşı, digər günlərdə də öz müştərilərini mütəmadi endirim kampaniyaları ilə sevindirəcək “Fresco” supermarketinin unikal bonus sistemi mövcuddur. Belə ki, qeyri-müəyyən bonus sistemlərindən imtina edərək “Fresco” supermarketləri, alış-verişinizin qarşılığında ödədiyiniz məbləğin bir hissəsini kartınıza köçürəcək. Bununla da, kartınızdakı məbləği idarə etmək daha asan olacaq.

Sosial məsuliyyət

“Azəri Retail” MMC-yə daxil olan “Fresco” supermarketlər şəbəkəsinin dəyərləri arasında sosial məsuliyyət anlayışı daim yüksək mövqedə durur. Supermarketlər şəbəkəsində 600-ə yaxın insanın çalışması, işçilərin sağlamlıq vəziyyəti, supermarketlərin bütün sanitar-gigiyenik qaydalara uyğunluğu, ətraf mühitin təmizliyi, sağlam həyat tərzi kimi qaydalara riayət edərək “Fresco” supermarketi alıcılar qarşısında öz sosial məsuliyyətini və öhdəliyini anlayır və icra edir. “Fresco” supermarketi hər zaman sağlam həyat tərzinin təbliğatını aparır və bunu öz fəaliyyətində də nümayiş etdirir.