2016-2017-ci tədris ilinə ümumtəhsil məktəblərinin IX sinifləri üçün kurikulum əsasında dərslik komplektlərinin hazırlanmasının (nəşrinin) satınalınması məqsədilə

 AÇIQ  TENDER  (MÜSABİQƏ)  ELAN  EDİR

Tender 22 lot üzrə keçirilir.

Q e y d : Xarici dil (ingilis, fransız və alman dilləri) dərslik komplektləri təlim Azərbaycan və rus dillərində olan ümumtəhsil məktəbləri üçün eynidir.

I. Dövlət satınalmalarını tənzimləyən normativ hüquqi sənədlərdə göstərilən hallar istisna olmaqla, istənilən rezident və qeyri-rezident hüquqi və ya fiziki şəxslər, yaxud hüquqi şəxslər birliyi Azərbaycan Respublikasında keçirilən dövlət satınalma prosedurlarında iddiaçı kimi iştirak edə bilərlər.

II. Tenderdə nəşr sahəsində peşəkarlığı, təcrübəsi, texniki və maliyyə imkanları, işçi qüvvəsi, idarəetmə səriştəsi, etibarlılığı, satınalma müqaviləsi bağlamaq səlahiyyəti, ödəmə qabiliyyətli, öz əmlakından sərbəst və məhdudiyyətsiz istifadə etmək imkanı olan, müflis elan olunmayan, ödənişə yönəlmiş girovu olmayan, əmlakı üzərində həbs qoyulmayan, Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəlikləri olmayan, məhkəmənin qərarı ilə kommersiya fəaliyyəti dayandırılmış şəxs olmayan, peşə fəaliyyəti ilə məşğul olması məhkəmə qaydasında qadağan edilməyən iddiaçılar iştirak edə bilərlər.

III.  Tender “Dövlət satınalmaları haqqında” Azərbaycan Respublikasının Qanununa uyğun olaraq keçirilir. Tenderin prosedur qaydaları, təkliflərin təqdim edilməsi və qiymətləndirilmə meyarları əsas şərtlər toplusunda öz əksini tapır.

Tender iştirakçısı “Dövlət satınalmaları haqqında” Azərbaycan Respublikasının Qanunu, əsas şərtlər toplusunun məzmunu, o cümlədən təlimatlar, formalar, müqavilə şərtləri və texniki xüsusiyyətlərlə tanış olmalıdır. İddiaçının bu sənədlər və tender təklifi haqqında tam təsəvvürü, məlumatı olmaması və əsas şərtlər toplusunun tələblərinə uyğun gəlməyən təklif verməsi onun tender təklifinin kənarlaşdırılması ilə nəticələnə bilər.

Tenderdə iştirak edən nəşriyyat - poliqrafiya müəssisələri dərslik komplektlərinin ideya, məzmun və dil - üslub baxımından əsaslı redaktə və korrektəsi üçün   məsuldur.

IV. Tenderdə iddiaçı statusu almaq istəyənlər elan dərc olunduğu gündən 2015-ci il martın 17-dək aşağıdakı sənədləri təqdim etməlidirlər:

-tender prosedurunda iştirak etmək üçün yazili müraciət;

-iştirak haqqının ödənilməsini  təsdiq edən bank sənədi;

-dövlət qeydiyyatı haqqında şəhadətnaməsinin notariat qaydasında 2015-ci ildə təsdiq edilmiş surəti;

-uçot vahidlərinin dövlət reyestrinə daxil edilməsi haqqında şəhadətnaməsinin notariat qaydasında 2015-ci ildə təsdiq edilmiş surəti;

-nizamnaməsinin (əsasnaməsinin) notariat qaydasında 2015-ci ildə təsdiq edilmiş surəti;

-vergi və sair icbari ödənişlərə dair borclarının olub-olmaması haqqında vergi orqanları tərəfindən verilmiş arayış (sənədlərin təqdim edildiyi tarixə);

-son bir ildəki maliyyə dövriyyəsi haqqında bank tərəfindən verilmiş arayış və bank rekvizitləri;

-son bir ildəki maliyyə vəziyyətini əks etdirən və vergi orqanları tərəfindən təsdiq olunmuş vergi bəyannaməsi;

-nəşr işləri sahəsindəki təcrübəsi barədə məlumat;

-nəşriyyatın işçiləri və avadanlıqları haqqında məlumat;

-sənədlər təqdim olunan vaxta Dövlət Sosial Müdafiə Fonduna verilmiş hesabatın surəti və Dövlət Sosial Müdafiə Fondunun arayışı;

-məhkəmə araşdırmalarına cəlb olunub-olunmaması barədə məlumat.

Qeyd: İddiaçı təqdim etdiyi sənədlərin, o cümlədən ixtisas göstəricilərinə dair məlumatların doğruluğuna görə məsuliyyət daşıyır.

V.  Tenderdə hər bir lot üçün iştirak haqqı ödənilir.

İştirak haqqı aşağıdakı kimi müəyyən edilmişdir:   

I lot üçün - 382,00 manat (üç yüz səksən iki manat)

II lot üçün -  420,00 manat (dörd yüz iyirmi manat)

III lot üçün -  382,00 manat (üç yüz səksən iki manat)

IV lot üçün -  420,00 manat (dörd yüz iyirmi manat)

V lot üçün -   382,00 manat (üç yüz səksən iki manat)

VI lot üçün -  600,00 manat (altı yüz manat)

VII lot üçün - 340,00 manat (üç yüz qırx manat)

VIII lot üçün - 510,00 manat (beş yüz on manat)

IX lot üçün -  340,00 manat (üç yüz qırx manat)

X lot üçün -   340,00 manat (üç yüz qırx manat)

XI lot üçün -  510,00 manat (beş yüz on manat)

XII lot üçün  -510,00 manat (beş yüz on manat)

XIII lot üçün - 560,00 manat (beş yüz altmış manat)

XIV lot üçün - 510,00 manat (beş yüz on manat)

 XV lot üçün - 382,00 manat (üç yüz səksən iki manat)

XVI lot üçün - 382,00 manat (üç yüz səksən iki manat)

XVII lot üçün -382,00 manat (üç yüz səksən iki manat)

XVIII lot üçün -382,00 manat (üç yüz səksən iki manat)

XIX lot üçün - 340,00 manat (üç yüz qırx manat)

XX lot üçün -  510,00 manat (büş yüz on manat)         

XXI lot üçün  -340,00 manat (üç yüz qırx manat)

XXII lot üçün - 340,00 manat (üç yüz qırx manat)

 İştirak haqqı aşağıdakı hesaba köçürülməlidir:

Bakı şəhəri, Az 1008, Xətai prospekti, 49, Azərbaycan Respublikası Təhsil Nazirliyi,

VÖEN 1500046011, DXA, VÖEN: 1401555071, kod 210005, müxbir hesab AZ 41 NABZ 01360100000000003944, S.W.İ.F.T. - CTREAZ 22, hesab:AZ 30 CTRE 00000000000002168501 

İştirakçıların iddiaçı statusu almaq üçün tender keçirənə ödədikləri iştirak haqqı heç bir halda geri qaytarılmır.

VI. İddiaçılar tender elanında və ya əsas şərtlər toplusunda göstərilən bütün lotlar və hər lot üzrə yalnız bir təklif verə bilər.

VII.Hər bir lot üzrə azı üç təklif təqdim olunduqda tender proseduru baş tutmuş hesab edilir. Üçdən az təklif daxil olan lot üzrə tender proseduru baş tutmamış elan edilir, satınalan təşkilat həmin lot üzrə tenderin davamından imtina edir və təqdim olunan tender təklifləri açılmadan geri qaytarılır.

VIII. İddiaçı tenderdə iştirak etdiyi lot üzrə məzmun (keyfiyyət) təklifinin təqdimat vərəqəsi ilə birlikdə dərslik komplektinin son çap versiyasında, tam həcmdə rəngli maketini 5 (beş) nüsxədə (termoyapışqanla cildlənmiş şəkildə) təqdim etməlidir.

Dərslik komplektinin rus dilinə tərcüməsi son çap versiyasında, 1 çap vərəqi həcmində (3-18 səhifələr) rəngli maketi cildi ilə birlikdə 1 (bir) nüsxədə təqdim olunmalıdır. Hər bir lot üzrə təqdim olunan dərslik komplektinin maketi (Azərbaycan və rus dillərində) bir bağlamada (zərfdə və ya qutuda) təqdim olunur.

IX. Məzmun (keyfiyyət) və maliyyə (qiymət) təklifləri hər bir lot üzrə ayrı-ayrılıqda və eyni tarixdə təqdim olunmalıdır.

 -  Məzmun (keyfiyyət) təklifi üzərində satınalan təşkilatın və iddiaçının adı, ünvanı, lotun nömrəsi qeyd olunmuş, bağlı, imzalanmış və möhürlənmiş zərflərdə (qutularda) təqdim olunmalıdır. 

- Tender təklifi zərflər açıldığı gündən sonra ən azı 30 bank günü qüvvədə qalır.

- İddiaçı iştirak etdiyi hər bir lot üçün dərslik komplektinin hazırlanmasına (nəşrinə) dair qiymət təklifini (maliyyə təklifini), təklifin təqdimat vərəqəsini, təklifin dəyərinin 2%-i həcmində olan bank təminatını, “Dövlət satınalmaları haqqında” Qanunun və əsas şərtlər toplusunun tələblərinə uyğun hazırlayaraq bir ədəd əsli və bir ədəd surəti ayrı-ayrı zərflərdə olmaqla ümumi bir zərfdə təqdim edir. Hər bir zərf üzərində satınalan təşkilatın və iddiaçının adı, ünvanı, lotun nömrəsi qeyd olunmaqla iddiaçı tərəfindən imzalanmalı, möhürlənməlidir.

X.  İddiaçılar məzmun (keyfiyyət) və maliyyə (qiymət) təkliflərinin bağlamalarını (zərflərini) 31 avqust 2015-ci il saat 18.00-dək tender komissiyasına təqdim etməlidirlər.

Məzmun (keyfiyyət) və maliyyə (qiymət) təklifləri olan bağlamaların (zərflərinin) açılışı 1 sentyabr 2015-ci il saat 15.00-da Təhsil Nazirliyində keçirilir (iddiaçılar tender iclasında iştirak edə bilərlər).

XI.Bütün tender sənədləri Azərbaycan dilində tərtib olunmalıdır.

İşin icrasının başlanması tarixi - satınalma müqaviləsi imzalandığı gündən işin yerinə yetirilməsi vaxtı - satınalma müqaviləsi imzalandığı gündən 1(bir) ay müddətində.

XII. Tender qalibi ixtisas göstəricilərinin, dərslik komplektinin məzmunu üzrə topladığı balın (keçid balı və ya daha yüksək bal) və maliyyə təklifinin “bal” sistemi ilə qiymətləndirilməsinin nəticələrinə uyğun olaraq müəyyən edilir.

Tenderdə qalib gəlmək üçün dempinq qiymətlər (dəyərindən çox aşağı maliyyə təklifi) verən iddiaçıların təklifləri qiymətləndirmədən kənarlaşdırılır.

Əlavə məlumat üçün bu ünvana müraciət etmək olar:

Azərbaycan Respublikası Təhsil Nazirliyi, Bakı şəhəri, Xətai prospekti, 49, III mərtəbə, 308-ci otaq, tender üzrə əlaqələndirici şəxs - Səkinəxanım Muxtar qızı Məmmədova

Əlaqə telefonları: İş: 599-11-55 (əlavə 5219) 599-11-55 (əlavə 5374)

Faks:496-93-29

e-mail: [email protected]

Tender komissiyası