AZƏRBAYCAN RESPUBLİKASININ MƏRKƏZİ BANKI  bildirir ki, Mərkəzi Bankın “Kredit ittifaqına bank fəaliyyətinin həyata keçirilməsi üçün xüsusi razılıq (lisenziya) verilməsi Qaydaları”nın 4.4.3-cü və 4.4.4-cü yarımbəndləri əsas götürülərək bank fəaliyyətini bir il müddətində dayandırdıqları müəyyən edildiyinə və illik kənar audit keçirmədiklərinə görə Cəlilabad rayonu, Günəşli kəndində yerləşən “East Gredo Kredit İttifaqı” Məhdud Məsuliyyətli Cəmiyyətinə məhdud bank fəaliyyətinin aparılması üçün verilmiş 5 dekabr 2011-ci il tarixli 240-Kİ saylı və Bakı şəhəri, Nəsimi rayonu, Səid Rüstəmov küçəsi, ev 55, mənzil 61- də yerləşən “Xəzər Finans Kredit İttifaqı” Məhdud Məsuliyyətli Cəmiyyətinə məhdud bank fəaliyyətinin aparılması üçün verilmiş 18 fevral 2013-cü il tarixli 259-Kİ saylı xüsusi razılıqlar (lisenziyalar) Mərkəzi Bankın İdarə Heyətinin 21 yanvar 2015-ci il tarixli 01 №-li qərarı ilə ləğv edilmişdir.

Qərar dərc edildiyi gündən 10 gün keçdikdən sonra qüvvəyə minir. Qərar qüvvəyə mindiyi gündən otuz gün müddətində maraqlı şəxs tərəfindən aidiyyəti üzrə Azərbaycan Respublikası İnzibati-İqtisadi Məhkəməsinə şikayət verilə bilər.

Xüsusi razılığı (lisenziyası) ləğv edilmiş kredit ittifaqlarına ləğvetmə komissiyasının yaradılması və müvafiq ləğvetmə işlərinin aparılması tapşırılmışdır.