T E N D E R   E L A N I

1. Azərbaycan Respublikasının Mərkəzi Bankı nəqliyyat vasitələrinə texniki xidmət göstərilməsi üçün açıq tender keçirir.

Tender proseduru 23 fevral 2015-ci il  saat 15.00-da Azərbaycan Respublikası Mərkəzi Bankının inzibati binasında (Bakı şəhəri, R.Behbudov küçəsi, 32) keçiriləcəkdir.

2. Tenderdə iştirak etmək üçün iddiaçı aşağıdakı sənədləri təqdim etməlidir:

- tenderdə iştirak üçün ərizə;

- iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notariat qaydasında təsdiq edilmiş surətləri;

- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;

- tenderdə iştirak haqqının ödənilməsi barədə bank arayışı;

- Azərbaycan dilində iki nüsxə tender təklifi (tender təklifi 15 aprel 2015-ci il tarixədək qüvvədə olmalıdır);

- tender təklifinin qiymətinin 1 (bir) faizi məbləğində bank təminatı  (əsas şərtlər toplusuna əlavə edilən formada);

- iddiaçının son 1 (bir) ildəki maliyyə vəziyyəti barədə bank arayışı;

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafıq vergi orqanından arayış;

- iddiaçının nəqliyyat vasitələrinə xidmət fəaliyyəti sahəsində korporativ müştərilərə göstərdiyi xidmətin səviyyəsini əks etdirən məlumatlar;

- iddiaçıların oxşar işlərdə ən azı iki il təcrübəsinin olması, o cümlədən maddi-texniki bazası, insan resursları, əməkdaşlarının peşəkarlığı (təcrübə və sertifikasiya) və göstəriləcək xidmətin çevikliyi barədə məlumat).

3. İddiaçı tender təklifini və tender təklifinin bank təminatını 20 fevral 2015-ci il saat 18.00-a qədər möhürlənmiş, imzalanmış, yazılı surətdə ikiqat zərfdə, digər tələb olunan sənədləri isə ən geci 11 fevral 2015-ci il saat 18.00-a qədər möhürlənmiş, imzalanmış, yazılı surətdə bağlı zərfdə Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasına təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderə buraxılmayacaqdır.

4. İddiaçılar tenderdə iştirak haqqı kimi Azərbaycan Respublikası Mərkəzi Bankının aşağıdakı hesabına 100 (bir yüz) manat məbləğində vəsait köçürməlidirlər:

Azərbaycan Respublikasının Mərkəzi Bankı

Hesab: AZ 25 NABZ 01701190000000001944

Müxbir hesab: AZ 74 NABZ 01451700000000001944

Kod: 501004

VÖEN: 9900071001

S.W.İ.F.T. BİK  NABZAZ2C

Mərkəzi Bankın Ödəniş sistemləri və hesablaşmalar departamenti.

5.  Xidmətin göstərilməsi müddəti: 12 (on iki) ay.

6. Tenderdə iştirak etmək istəyən şirkətlər iştirak haqqının ödənilməsi barədə bank arayışını təqdim edərək Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasından Azərbaycan dilində tərtib edilmiş tenderin əsas şərtlər toplusunu əldə edə bilərlər.

 Tender üzrə əlaqələndirici şəxs:  Nazim Balamirzəyev (inzibati departamentin əməkdaşı); telefon: 493-11-22 (127) və Elvin Şirdanov (hüquq departamentinin əməkdaşı); telefon: 493-11-22 (428).

Tender komissiyası