Azərbaycan Respublikasının Mərkəzi Bankı yanında Maliyyə Monitorinqi Xidməti informasiya texnologiyaları sahəsində xidmətlərin satınalınması  məqsədilə açıq tender keçirir.

Tender proseduru  9 dekabr 2014-cü il  saat 15.00-da Azərbaycan Respublikasının Mərkəzi Bankı yanında Maliyyə Monitorinqi Xidmətinin inzibati binasında (Bakı şəhəri, Bülbül prospekti, 58A) keçiriləcəkdir.

1.  Açıq tenderin predmeti:

- AML-AZ sisteminin texniki və proqram platformalarının yaradılması.

- Xidmətdə istifadə olunan kompüter, server, şəbəkə avadanlıqları, proqram təminatları və gərginlik avadanlıqlarının dəstəklənməsi.

- Yeni proqram təminatlarının alınması.

2.  Tenderdə iştirak etmək üçün iddiaçı aşağıdakı sənədləri təqdim etməlidir:

- tenderdə iştirak üçün yazılı müraciət;

- iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notarial qaydada təsdiq edilmiş surətləri;

- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;

- tenderdə iştirak haqqının ödənilməsi barədə bank arayışı;

- iddiaçının son 1 (bir) ildəki maliyyə vəziyyəti barədə bank arayışı;

- Azərbaycan Respublikasında vergilərə və digər icbari ödənişlərə dair   yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış (xarici iddiaçılar tərəfindən məlumat);

- Bakı şəhərində servis xidmətinin mövcudluğunu təsdiq edən məlumat;

- dəstəklənmə xidmətinin göstərilməsi məqsədilə müvafiq sistem və avadanlıqlar üzrə ən azı 2 (iki) sertifikatlaşdırılmış mütəxəssisin olmasını sübut edən sənədlərin surəti;

- Azərbaycan Respublikası Mərkəzi Bankı yanında Maliyyə Monitorinqi Xidmətinin müəyyən etdiyi tələblərə oxşar olan son 2 (iki) il ərzində yerinə yetirilən xidmətlərini, müştərilərin adlarını, ünvanlarını və telefon nömrələrini əks etdirən məlumat;

-  Azərbaycan dilində  iki nüsxədə tender təklifi 23 yanvar 2015-ci il tarixədək qüvvədə olmalıdır;

- tender təklifinin qiymətinin 1 (bir)% məbləğində bank təminatı (07.03.2015-ci il tarixədək qüvvədə olmalıdır) (əsas şərtlər toplusuna əlavə edilən formada);

- tenderə təklif olunan texniki avadanlıqların və proqram məhsullarının istehsalçısı olan şirkətlərin iddiaçını tətbiqi-proqram kompleksini  dəstəkləməyə müvəkkil etdiyini təsdiqləyən avtorizasiya forması  (Manufacturer Authorization Form);

- əvvəlki 5 il ərzində iddiaçıların özlərinin, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə məlumat;

- müflis elan olunmaması, əmlakı üzərində həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya  fəaliyyəti dayandırılmaması barədə məlumat.

3. İddiaçı tender təklifini və tender təklifinin bank təminatını 8 dekabr 2014-cü il  saat 18.00-a qədər möhürlənmiş, imzalanmış, yazılı surətdə ikiqat zərfdə, digər tələb olunan sənədləri isə ən gec  26 noyabr 2014-cü il saat 18.00-a qədər möhürlənmiş, imzalanmış, yazılı surətdə bağlı zərfdə Maliyyə Monitorinqi Xidmətinin Bakı şəhəri, Bülbül prospekti, 58A nömrəli ünvanda yerləşən inzibati binasında əlaqələndirici şəxsə təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderə buraxılmayacaq.

İddiaçılar tenderdə iştirak haqqı kimi Azərbaycan Respublikası Mərkəzi Bankı yanında Maliyyə Monitorinqi Xidmətinin aşağıdakı hesabına 150 (yüz əlli) manat məbləğində vəsait köçürməlidir:

AR Mərkəzi Bankının yanında Maliyyə Monitorinqi Xidməti

VÖEN: 1401672511

 H/H: AZ 88 NABZ 01350900000000008944

kod:501004

M/H:  AZ 74 NABZ 01451700000000001944

SWİFT: NABZAZ2C

VÖEN: 9900071001

4. Xarici iddiaçılar iştirak haqqını ödəniş gününə Azərbaycan Respublikası Mərkəzi Bankının rəsmi məzənnəsi ilə ABŞ dollarında aşağıda göstərilən hesaba ödəyə bilərlər: Correspondent Bank: BIC:FRNY US 33, Federal Reserve Bank of New York, correspondent account number: ABA:0210 88 221 USD, account № 0132190008840.

5. Tenderdə iştirak etmək istəyən hər bir şəxs iştirak haqqının ödənilməsi barədə bank arayışını təqdim edərək Maliyyə Monitorinqi Xidmətinin Bakı şəhəri, Bülbül prospekti, 58A nömrəli ünvanda yerləşən inzibati binasından Azərbaycan dilində tərtib edilmiş tenderin əsas şərtlər toplusunu əldə edə bilər.

Tender üzrə əlaqələndirici şəxs: Məmmədyar Novruzov (informasiya texnologiyaları şöbəsinin rəisi). Telefon: 598-19-46 (220), faks: 493-03-88, elektron poçt ünvanı: [email protected]

Tender komissiyası