Azərbaycan Respublikasının Mərkəzi Bankı bildirir ki, Mərkəzi Bankın  “Kredit ittifaqına bank əməliyyatı aparmaq üçün xüsusi razılıq (lisenziya) verilməsi qaydaları”nın  6.4.4-cü bəndinə əsasən, hesabatları üzürsüz səbəbdən ardıcıl olaraq iki hesabat tarixinə və 2013-cü il üzrə maliyyə-təsərrüfat  fəaliyyətinin kənar auditor tərəfindən yoxlanılmasına dair hesabatları Mərkəzi Banka təqdim etmədiklərinə, bununla əlaqədar Mərkəzi Bank tərəfindən kredit ittifaqlarına dəfələrlə rəsmi xəbərdarlıq göndərilməsinə baxmayaraq bu göstərişlərə əməl etmədiklərinə  görə Yardımlı rayonunun Astanlı kəndində yerləşən “Astanlı” Kredit İttifaqı məhdud məsuliyyətli cəmiyyətinə məhdud bank fəaliyyətinin aparılması üçün verilmiş 2 iyul 2004-cü tarixli 162-Kİ saylı, Qəbələ rayonu, Mıxlıqovaq kəndində yerləşən “Mıxlıqovaq” Kredit İttifaqı məhdud məsuliyyətli cəmiyyətinə məhdud bank fəaliyyətinin aparılması üçün verilmiş 30 iyun 2006-cı il tarixli 190-Kİ saylı, Bakı şəhəri, Xəzər rayonu, Şimal DRES qəsəbəsi, L.Starçuk küçəsi, ev 6, mənzil 8-də yerləşən “Maliyyə Kredit İttifaqı” məhdud məsuliyyətli cəmiyyətinə məhdud bank fəaliyyətinin aparılması üçün verilmiş 18 fevral 2011-ci il tarixli 227-Kİ saylı və Şəki şəhəri, Məmmədəmin Rəsulzadə küçəsində yerləşən “Nofəl Kredit İttifaqı”  məhdud məsuliyyətli cəmiyyətinə məhdud bank fəaliyyətinin aparılması üçün  verilmiş 23 may 2011-ci il tarixli 228-Kİ saylı xüsusi razılıqlar (lisenziyalar) Mərkəzi Bankın İdarə Heyətinin 28 oktyabr 2014-cü il tarixli 24 №-li qərarı ilə ləğv edilmişdir.

Qərar dərc edildiyi gündən 10 gün keçdikdən sonra qüvvəyə minir. Qərar qüvvəyə mindiyi gündən otuz gün müddətində maraqlı şəxs tərəfindən aidiyyəti üzrə Azərbaycan Respublikası İnzibati-İqtisadi məhkəməsinə şikayət verilə bilər. Xüsusi razılığı (lisenziyası) ləğv edilmiş kredit ittifaqlarına ləğvetmə komissiyasının yaradılması və müvafiq  ləğvetmə işlərinin aparılması tapşırılmışdır.