Azərbaycan Respublikası Prezidentinin 14 aprel 2009-cu il tarixli Fərmanı ilə təsdiq edilmiş "Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı"na uyğun olaraq, İqtisadi İnkişaf Nazirliyinin Sahibkarlığa Kömək Milli Fondu 2010-cu il avqustun 27-də respublikanın sərhəd rayonlarından biri olan Oğuz rayonunda "Regionlarda sahibkarlığın inkişafına dövlət dəstəyi" mövzusunda tədbir keçirmişdir. Tədbir çərçivəsində yerli icra hakimiyyəti orqanlarının nümayəndələri və sahibkarlarla mövcud iqtisadi potensialdan daha səmərəli istifadə edilməsi məqsədilə müzakirələr aparılmış, Oğuz rayonu üzrə sahibkarlıq subyektlərindən aşağıdakı istiqamətlərdə investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilmişdir:{nl}

Müasir tələblərə cavab verən təbii suların qablaşdırılması müəssisəsinin yaradılması;
Meyvə və tərəvəz məhsullarının saxlanılması üçün tutumu 2 min tonadək olan soyuducu anbar kompleksinin tikintisi.

Sahibkarlar "Azərbaycan Respublikası Sahibkarlığa Kömək Milli Fondunun vəsaitlərinin istifadəsi Qaydaları"na uyğun olaraq, müvəkkil kredit təşkilatları vasitəsilə fonda müraciət edə bilərlər. Məsləhət və əlavə məlumatı Sahibkarlığa Kömək Milli Fondundan almaq olar.
Ünvan: Bakı şəhəri, Yasamal rayonu, A.M.Şərifzadə küçəsi, 172.
Telefon: (012) 432-39-69
Faks: (012) 434-74-29
e-mail: [email protected]

İqtisadi İnkişaf Nazirliyinin Sahibkarlığa Kömək Milli Fondu