2014/2015-ci tədris ilində aşağıdakı ixtisaslar üzrə  əlavə təhsil almaq üçün qəbul elan edir:

· Turizm və otelçilik

·  Menecment

·  Sosial iş

·  Muzeyşünaslıq, arxiv işi və abidələrin qorunması

Əlavə ixtisas təhsili almaq üçün əvvəlki ali  təhsili və ya hazırda işlədiyi vəzifəsi seçdiyi ixtisasa uyğun gələn şəxslər ATİ-nin müəyyənləşdirdiyi qaydaya əsasən müsabiqədə iştirak edə bilərlər.

Əlavə ixtisas almaq istəyənlər aşağıdakı sənədləri təqdim etməlidirlər:

· təhsil müəssisəsi rəhbərinin adına ərizə;

· təhsil haqqını ödəmək barədə təminat müqaviləsi;

· ali və ya orta ixtisas təhsili haqqında sənədin (diplomun) surəti və qiymət kitabçasından çıxarış;

· əmək kitabçasından çıxarış;

· pasport və şəxsiyyət vəsiqəsinin surəti;

· sağlamlıq haqqında arayış;

· 3x4 sm ölçüdə 4 ədəd fotoşəkil.

Sənədlər 2014-cü il  iyulun 20-dən avqustun  20-dək həftənin I-V günləri saat 10.00-17.00 arası ATİ-nin əsas korpusunda (magistratura, doktorantura və əlavə təhsil şöbəsi, I mərtəbə) qəbul edilir.

Əlavə ali təhsil almaq üçün ATİ-yə sənədlərini təqdim etmiş şəxslərlə müsahibə aparılır. Müsahibədən uğurla keçənlər seçdikləri əlavə təhsil ixtisası üzrə ikinci bakalavr təhsili alan tələbələr sırasına qəbul edilirlər. İkinci bakalavr təhsili almaq üçün tələbələr sırasına qəbul edilmiş şəxslər əvvəlki ali təhsil ixtisaslarının uyğunluğundan asılı olaraq müvafiq təhsilə qəbul olunur və təhsil müddəti müəyyənləşdirilir.

Təhsil qiyabi formada Azərbaycan və rus dillərindədir.

Xaricdə təhsil almış şəxslər ikinci ali təhsil almaq üçün Azərbaycan Respublikası Təhsil Nazirliyində müvafiq prosedur (nostrifikasiya) keçməklə şəhadətnamə aldıqdan sonra sənədlərini təqdim edə bilərlər.

Təhsil ödənişlidir. Təhsil haqqı müqavilə əsasında ayrı-ayrı ixtisaslara uyğun olaraq ödənilir.

Azərbaycan Turizm İnstitutu

Bakı, AZ 1072, K.Rəhimov küçəsi, 822/23-cü məhəllə

Tel:    (+99412) 012

012 5644233

(+99412) 012 5648671 (daxili nömrə-125)

Email: [email protected]

URL: www.tourism.edu.az