Azərbaycan Respublikası Prezidentinin 12 mart 2014-cü il tarixli sərəncamı ilə təsdiq edilmiş Azərbaycan Respublikasında 2014-cü ilin “Sənaye ili” elan edilməsi ilə bağlı tədbirlər planında sənaye müəssisələri ilə dialoqun gücləndirilməsi məqsədilə aidiyyəti dövlət orqanlarının və sənaye müəssisələrinin nümayəndələrinin iştirakı ilə sahə işçi qruplarının yaradılması İqtisadiyyat və Sənaye Nazirliyinə tapşırılmışdır.

Tapşırığın icrası ilə əlaqədar olaraq İqtisadiyyat və Sənaye Nazirliyində sənayenin aşağıdakı istiqamətləri üzrə işçi qrupları yaradılmışdır:

- aqrar sənaye;

- yüngül sənaye;

- ağac emalı və mebel istehsalı;

- kimya sənayesi və əczaçılıq məhsulları istehsalı;

- tikinti materialları istehsalı;

- metallurgiya sənayesi;

- maşın və avadanlıq istehsalı;

- kompyuter və elektron avadanlıq istehsalı.

İşçi qrupları tərəfindən hər bir istiqamət üzrə sənayenin inkişafına dair təkliflər hazırlanacaqdır. Sənaye sahəsində fəaliyyət göstərən hüquqi və fiziki şəxslər qeyd olunan sahələrin inkişafı ilə bağlı təkliflərini (qanunvericiliyin təkmilləşdirilməsi, istehsalın rəqabət qabiliyyətinin artırılması, müəssisələrin potensialının gücləndirilməsi və s.) İqtisadiyyat və Sənaye Nazirliyinə təqdim edə bilərlər.

Əlaqə koordinatları (İqtisadiyyat və Sənaye Nazirliyinin Sənaye şöbəsi, telefon: 4938867 daxili nömrə 2188, [email protected])