Ədliyyə Nazirliyinin tibb xidmətinin kadr korpusunun şəffaf prosedurlarla və aşkarlıq şəraitində yüksək hazırlıqlı və zəruri peşə keyfiyyətlərinə malik kadrlarla komplekləşdirilməsi üzrə tədbirlər davam etdirilir.
Bildiririk ki, hazırda vakant ştat vahidləri əsasən cəzaçəkmə müəssisələrinin və istintaq təcridxanalarının tibb xidmətlərindədir.
Tibb xidmətinə qulluğa qəbulla bağlı müsahibədə iştirak etmək istəyən və "Ədliyyə orqanlarında qulluq keçmə haqqında" Azərbaycan Respublikası Qanununun tələblərinə cavab verən həkim-ftiziatr, həkim-psixiatr, həkim-narkoloq, həkim-anestezioloq-reanimatoloq, torakal həkim-cərrah, feldşer, tibb bacısı (qardaşı) ixtisasları üzrə mütəxəssislər ərizə və müvafiq sənədlərini təqdim edə bilərlər. Sənədlər Tibb Baş İdarəsinin inzibati binasında (Bakı şəhəri, Bülbül prospekti, 2) bütün iş günləri qəbul edilir.
Qulluğa qəbul üçün tələb olunan sənədlərin siyahısı və digər aidiyyəti məsələlərlə bağlı 493-30-91, 493-06-50 nömrəli telefonlar vasitəsilə əlavə məlumat almaq olar.

Ədliyyə Nazirliyinin Tibb Baş İdarəsi