Mərkəzi icra hakimiyyəti orqanları rəhbərlərinin 2014-cü ilin mart ayında şəhər və rayonlarda vətəndaşların qəbulu cədvəlinə uyğun olaraq Azərbaycan Respublikasının təhsil naziri Mikayıl Cabbarovun Goranboy, Daşkəsən, Göygöl, Samux, Xocalı rayonları, Gəncə və Naftalan şəhərləri sakinlərinin əvvəlcədən martın 17-nə nəzərdə tutulan qəbulunun vaxtında dəyişiklik edilmişdir.

Təhsil Nazirliyindən AzərTAc-a bildirmişlər ki, nazir Mikayıl Cabbarov martın 11-də saat 11.00-da Yeni Azərbaycan Partiyası Goranboy rayon təşkilatının qərargahında Goranboy, Daşkəsən, Göygöl, Samux, Xocalı rayonlarının, Gəncə və Naftalan şəhərlərinin sakinlərini qəbul edəcəkdir.

Qəbula gəlmək istəyən vətəndaşlar yalnız martın 5, 6 və 7-də  Təhsil Nazirliyinin “Qaynar xətt” xidmətinin 146 nömrəli telefonuna müraciət edərək və ya “Elektron müraciət” bölməsi http://www.edu.gov.az/view.php?lang=az&menu=contacts vasitəsilə qeydiyyatdan keçə bilərlər.

Qeydiyyatdan keçmiş vətəndaşlardan xahiş olunur ki, qaldırılan məsələləri dolğun ifadə edən ərizə ilə müraciət etsinlər.