Azərbaycan Respublikası Ərazilərinin Bərpası və Yenidənqurulması üzrə Agentlik (AYBA) münaqişədən zərər çəkmiş və təmas xəttindən 3 kilometrlik məsafədə yerləşən kəndlərdə yaşayış evlərinin bərpası və yeni evlərin tikintisi üçün Azərbaycan Respublikası büdcəsinin vəsaiti hesabına inşaat materiallarının paylanması məqsədilə

 AÇIQ TENDER KEÇİRİR

Ağdam rayonu Sarıcalı, Şükürağalı və Çəmənli kəndlərində 56 yaşayış evinin bərpası və yeni evlərin tikintisi üçün əhaliyə inşaat materiallarının verilməsi.

Tenderin keçirilməsində əsas məqsəd yuxarıda qeyd olunan tender predmeti üzrə yüksək texniki və maliyyə potensialına, peşəkar və səriştəsi olan, nəzərdə tutulmuş təchizatın müvafiq standartlara tam cavab verən tələblərlə aparılması məqsədilə podratçı təşkilatları satınalma proseduruna  dəvət etməkdir.

Tenderin keçirilməsində “Dövlət

satınalmaları haqqında” Azərbaycan Respublikası Qanununun alqı-satqı şərtləri əsas tutulacaqdır.

Tender iştirakçıları  təkliflərini 2 nüsxədən ibarət olan möhürlənmiş zərflərdə təqdim etməlidirlər (əsli və surəti). İddiaçıların tenderdə iştirak etmək üçün göstəriciləri aşağıdakı meyarları tam əhatə etməlidir:

-  iddiaçıların son 3 ildə  ən azı 2 dəfə müvəffəqiyyətlə tikinti materiallarının paylanması təcrübəsi  olmalıdır (obyektlərin siyahısı, ünvanları və  icra olunmuş işlərin məbləğini göstərməklə);

- iddiaçının təmas xətti zonasında işləmə və təhlükəsizliyin təmin edilməsi təcrübəsi olmalıdır;

- bərpa işlərinin yerinə yetirilməsi üçün iddiaçının idarəetmə səriştəsi, lazımi texniki, maliyyə və professional imkanları olmalıdır;

- işlərin görülməsi üçün iddiaçının  sərbəst vəsaitlərin olması haqqında arayış;

- iddiaçının ən azı 0,5 milyon manat məbləğində səlahiyyətli bankdan kreditin alınması imkanı olmalıdır və bu imkan haqqında təsdiqedici sənəd təqdim olunmalıdır;

- Azərbaycan Respublikasında vergilərə və digər icbari ödənişlərə dair öhdəliklərin olub-olmaması barədə vergi orqanlarından rəsmi arayışlar;

- iddiaçının son üç ildəki maliyyə vəziyyəti haqqında bank arayışları;

- iddiaçıların kredit borclarının olmaması haqqında bank arayışları;

- iddiaçının son bir ildəki fəaliyyəti haqqında vergi orqanı tərəfindən təsdiq edilmiş maliyyə hesabatının surəti (forma 1 və forma 2);

- iddiaçının lazımi qədər avadanlıqları, xüsusi mexanizmləri və özünün işçi qüvvəsinin tərkibində yüksək səviyyəli mütəxəssislər olmalıdır;

- Bərpa Agentliyi tərəfindən öncə keçirilən tenderlərdə iddiaçıların axırıncı 3 ildə icra və bərpa etdikləri obyektlərin yüksək keyfiyyətlə və vaxtında istifadəyə verilməsi bir qayda olaraq nəzərə alınacaqdır.

Tender haqqında hərtərəfli məlumat almaq üçün iddiaçılar aşağıdakı ünvana müraciət edə bilərlər:

Azərbaycan Respublikası, Bakı şəhəri, İbrahimpaşa Dadaşov küçəsi, 60, III mərtəbə.

Əhməd Əhmədov - əməliyyatlar üzrə menecer.

Tel.: (99412)5617281;

    Faks: (99412) 5617098.

Tenderdə iştirak etmək üçün iddiaçılar geri qaytarılmayan 500 manat məbləği Bərpa Agentliyinin hesabına: Azərbaycan Respublikası Beynəlxalq Bankı, ABB Premyer Müştəri Xidməti, kod 805250; VÖEN 9900001881; müxbir hesab: 01350100000000002944; S.W.İ.F.T. kod: BİK: İBAZAZ 2X, hesab AZN AZ321BAZ 38030029449330720120, VÖEN 1400294891 köçürməlidirlər.  Möhürlənmiş zərflərdə tender təklifləri 3 aprel 2014-cü il yerli vaxtla saat 14.30-dək yuxarıda göstərilən ünvanda qəbul ediləcəkdir.

Tenderin açılışı proseduru 4 aprel 2014-cü il saat 14.30-da Bərpa Agentliyində keçiriləcəkdir.

Tender komissiyası