Azərbaycan Respublikasının Mərkəzi Bankı bildirir ki, Mərkəzi Bankın "Kredit İttifaqına bank əməliyyatı aparmaq üçün xüsusi razılıq (lisenziya) verilməsi Qaydaları"nın 6.4.4-cü bəndini əsas tutaraq, hesabatları üzrsüz səbəbdən ardıcıl olaraq iki hesabat tarixinə təqdim etmədiyinə və illik audit keçirmədiyinə görə "Cavanşir" Kredit İttifaqı Məhdud Məsuliyyətli Cəmiyyətinə məhdud bank əməliyyatlarının aparılması üçün verilmiş 25 oktyabr 2002-ci il tarixli 78-Kİ saylı xüsusi razılıq (lisenziya) Mərkəzi Bankın İdarə Heyətinin 29 iyun 2010-cu il tarixli 16 N-li qərarı ilə ləğv edilmişdir. Qərar dərc edildiyi gündən qüvvəyə minir.
Xüsusi razılığı (lisenziyası) ləğv edilmiş kredit ittifaqlarına ləğvetmə komissiyasının yaradılması və müvafiq ləğvetmə işlərinin aparılması tapşırılmışdır.{nl}