Xatırladırıq ki, Ədliyyə Nazirliyi Penitensiar Xidmətinin kadr korpusunun şəffaf prosedurlarla və aşkarlıq şəraitində yüksək hazırlıqlı və zəruri peşə keyfiyyətlərinə malik kadrlarla komplektləşdirilməsi üzrə tədbirlər davam etdirilir.
Bildirilir ki, hazırda vakant ştat vahidləri əsasən penitensiar müəssisələrin tərbiyə işinin təşkili, rejim və qeydiyyat sahələrində, Mühafizə alayının bölüklərindədir.
Penitensiar Xidmətə qulluğa qəbulla bağlı müsahibədə iştirak etmək istəyən və "Ədliyyə orqanlarında qulluq keçmə haqqında" Azərbaycan Respublikası Qanununun tələblərinə cavab verən hüquqşünaslıq, hərbi, psixologiya, bədən tərbiyəsi və idman ixtisasları üzrə ali təhsilə malik Azərbaycan Respublikasının vətəndaşları ərizə və müvafiq sənədləri təqdim edə bilərlər. Sənədlər Penitensiar Xidmətin baş idarəsinin inzibati binasında (Bakı şəhəri, Nizami küçəsi, 114) bütün iş günləri qəbul edilir.
Qulluğa qəbulla bağlı aidiyyəti məsələlərlə, o cümlədən tələb olunan sənədlərin siyahısı ilə Penitensiar Xidmətin internet səhifəsində (http:\\penitensiar.justice.gov.az) tanış olmaq, eləcə də 498-00-67, 493-64-41, 493-44-89 telefonları vasitəsilə məlumat almaq olar.{nl}

Ədliyyə Nazirliyinin Penitensiar Xidməti