Nəqliyyat naziri Ziya Məmmədov oktyabrın 4-də Gəncədə bu şəhərdən, eləcə də Naftalan və Mingəçevir şəhərlərindən, Goranboy, Göygöl, Samux, Ağdam, Yevlax, Bərdə, Tərtər və Kəlbəcər rayonlarından olan vətəndaşları qəbul edəcəkdir.

AzərTAc xəbər verir ki, qəbulda vətəndaşların müraciətlərinə baxılması, nəqliyyat xidməti ilə bağlı  mövcud problemlərin araşdırılması məqsədilə qaldırılacaq məsələlərin həlli ilə əlaqədar qurumun strukturuna daxil olan idarə və təşkilatların rəhbərləri də iştirak edəcəklər.