Dövlət Sosial Müdafiə Fondunun (DSMF) sədri Səlim Müslümov sentyabrın 26-da saat 10.00-da DSMF-nin Tovuz rayon şöbəsinin inzibati binasında Şəmkir, Gədəbəy, Qazax, Ağstafa və Tovuz rayonlarının sakinləri olan məcburi dövlət sosial sığorta ödəyiciləri və pensiyaçılar üçün qəbul keçirəcəkdir.

DSMF-dən AzərTAc-a bildirmişlər ki, vətəndaşlar qəbula yazılmaq və əlavə məlumat almaq üçün [email protected] elektron poçt ünvanı, habelə aşağıdakı telefon nömrələri ilə əlaqə saxlaya bilərlər: Fondun Aparatında (012) 434-12-34, Şəmkir rayon şöbəsində (022) 305 - 30 - 33, Gədəbəy rayon şöbəsində (022) 326 -00- 93, Qazax rayon şöbəsində (022) 295 - 27- 96, Ağstafa rayon  şöbəsində (022) 225 - 26- 12, Tovuz rayon şöbəsində (022) 315-00-40.

Qəbulda iştirak edəcək vətəndaşların sentyabrın 26-da DSMF-nin həmin şəhər və rayon şöbələrinin inzibati binalarının qarşısından xüsusi ayrılmış nəqliyyatla qurumun Tovuz rayon şöbəsinə aparılıb gətirilmələri təmin olunacaqdır.

AzərTAc