1.Azərbaycan Respublikasının Mərkəzi Bankı kompyuter, server və şəbəkə avadanlıqlarının alınması, habelə şəbəkə xətlərinin yaradılması məqsədilə 2 (iki) lot üzrə açıq tender keçirir:
- 1-ci lot üzrə tenderin predmeti kompyuter, server və şəbəkə avadanlıqlarının alınması və quraşdırılması.
- 2-ci lot üzrə tenderin predmeti elektrik, rabitə və kompyuter şəbəkə sistemlərinin yaradılması, elektrik şəbəkə avadanlıqlarının alınması və quraşdırılması.
2.Tender proseduru 14 sentyabr 2010-cu il saat 15.00-da Azərbaycan Respublikasının Mərkəzi Bankının inzibati binasında (Bakı şəhəri, R.Behbudov küçəsi, 32) keçiriləcəkdir.
3.Tenderdə iştirak etmək üçün iddiaçı aşağıdakı sənədləri təqdim etməlidir:
-tenderdə iştirak üçün yazılı müraciət;
-iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notarial qaydada təsdiq edilmiş surətləri;
-tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;
-tenderdə iştirak haqqının ödənilməsi haqqında bank arayışı;
-iddiaçının son 1 (bir) ildəki maliyyə vəziyyəti barədə bank arayışı;
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafıq vergi orqanından arayış (xarici iddiaçılar tərəfindən məlumat);
- Azərbaycan dilində iki nüsxədə tender təklifi (tender təklifi 27 oktyabr 2010-cu il tarixədək qüvvədə olmalıdır);
-tender təklifinin qiymətinin 1 (bir) % məbləğində bank təminatı (əsas şərtlər toplusuna əlavə edilən formada);
-malların Avropa Birliyinin sertifikatları (CE);
-Bakı şəhərində servis xidmətinin mövcudluğunu təsdiq edən məlumat.
4.İddiaçı tender təklifini və tender təklifinin bank təminatını 13 sentyabr 2010-cu il saat 18.00-a qədər möhürlənmiş, imzalanmış, yazılı surətdə ikiqat zərfdə, digər tələb olunan sənədləri isə ən geci 1 sentyabr 2010-cu il saat 18.00-a qədər möhürlənmiş, imzalanmış, yazılı surətdə bağlı zərfdə Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasında əlaqələndirici şəxsə təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderə buraxılmayacaqdır.
5.İddiaçılar tenderdə hər bir lot üzrə iştirak haqqı kimi Azərbaycan Respublikasının Mərkəzi Bankının aşağıdakı hesabına 100 (yüz) manat məbləğində vəsait köçürməlidir: Azərbaycan Respublikasının Mərkəzi Bankı, hesab № 0170690001944 kod 501004, VÖEN 9900071001, Mərkəzi Bankın ödəniş sistemləri və hesablaşmalar departamenti.
6.Xarici iddiaçılar iştirak haqqını ödəniş gününə Azərbaycan Respublikasının Mərkəzi Bankının rəsmi məzənnəsi ilə ABŞ dollarında aşağıda göstərilən hesaba ödəyə bilərlər: Correspondent Bank: FRNYUS33, Federal Reserve Bank of New York, corr. account number: 021088221 AZER, account № 0170690001944.
7.Malların təqdim edilməsi müddəti: kompyuter, server və şəbəkə avadanlıqları satınalma müqaviləsinin imzalandığı gündən ən geci 45 təqvim günü ərzində.
8.Qiymətləndirmə meyarları: lot 1 və lot 2 üzrə: maliyyə və texniki amillər.
9.Tenderdə iştirak etmək istəyən hər bir şəxs iştirak haqqının ödənilməsi barədə bank arayışını təqdim edərək Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasından Azərbaycan dilində tərtib edilmiş tenderin əsas şərtlər toplusunu əldə edə bilər. Tender üzrə əlaqələndirici şəxs: 1-ci lot üzrə Rövşən Babaşov (İnformasiya texnologiyaları departamentinin əməkdaşı) Telefon: 493-11-22 (3-98), 2-ci lot üzrə Adil Sadıqov (İnzibati departamentin əməkdaşı). Telefon: 493-11-22 (2-95).

Tender komissiyası