“Baku Steel Company” MMC-nin baş podratçı təşkilatı “Baku Steel Construction”ASC Hövsan limanında yeni metallurgiya zavodunun tikintisi ilə bağlı subpodrat işləri üçün açıq tender elan edir.

Tikinti işləri əsasən aşağıdakılardan ibarətdir:

-Dəmir-beton işləri;

-metal konstruksiya işləri;

-fasad-üzlük işləri;

-ümumi tikinti işləri.

Tender iştirakçıları Azərbaycan dilində tərtib olunmuş əsas şərtlər toplusunu Bakı şəhəri, Binəqədi şosesi, 53 ünvanında yerləşən inzibati binada ala bilərlər (əlaqələndirici şəxs: Orxan Məmmədov (012) 412-25-60), [email protected]

Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.

Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.

Tender təkliflərinin qiymətləndirilməsində aşağıdakı meyarlara üstünlük veriləcək:

-Səmərəli və yüksək keyfiyyətli tender təklifinə;

-analoji işlər üzrə təcrübəsinə;

-kadr potensialına;

-maliyyə və texniki imkanlara.

İştirakçılar tenderdə iştirak etmək üçün aşağıdakı sənədləri təqdim etməlidirlər:

1. Tenderdə iştirak etmək üçün tender keçirən təşkilat tərəfindən müəyyən edilmiş formada xüsusi yazılı müraciət;

2. Tender təklifi (zərflərin açıldığı tarixdən sonra ən azı 30 təqvim günü qüvvədə olmalıdır);

3. Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;

4. İştirakçının tam adı, hüquqi statusu, nizamnaməsi, şəhadətnaməsi və rekvizitləri;

5. İştirakçının analoji işlərdə təcrübəsi, texniki və kadr imkanları haqqında rəsmi məlumat (eskiz və işçi layihələr CD-də təqdim oluna bilər);

6. Tender şərtlərini qəbul etməsi haqda iştirakçının təminat məktubu.

Sənədlər Azərbaycan dilində, 2 nüsxədə (əsli və surəti) tərtib olunmalıdır.

İştirakçılar tenderdə iştirak etmək üçün yuxarıda göstərilən sənədləri 30 sentyabr 2013-ci il tarixinə kimi Bakı şəhəri, Binəqədi şosesi, 53 ünvanına təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır.

İddiaçıların təklifləri 3 oktyabr 2013 -cü il tarixində Bakı şəhəri, Binəqədi şosesi , 53 ünvanında açılacaqdır.

İddiaçıların səlahiyyətli nümayəndələri iştirak edə bilərlər.

Tender komissiyası