XXI  əsr informasiya texnologiyaları və informasiya cəmiyyəti əsridir.  Əgər siz  bu cəmiyyətin qurucusu olmaq istəyirsinizsə, İnformasiya Texnologiyaları Universitetini seçin.

İnformasiya Texnologiyaları Universiteti Azərbaycan Respublikası Prezidentinin  1 fevral 2013-cü il tarixli sərəncamı ilə yaradılıb və 2013/2014-cü tədris ilində  bakalavr səviyyəsində dövlət sifarişi əsasında aşağıdakı ixtisaslar üzrə  mütəxəssis  hazırlığı həyata keçirəcək:

* İnformasiya təhlükəsizliyi

* Kompyuter elmləri

* Kompyuter mühəndisliyi

* İnformasiya texnologiyaları və sistemləri mühəndisliyi

Birinci il intensiv şəkildə ingilis dili tədris ediləcək, sonrakı 4 ildə isə seçilmiş ixtisaslar üzrə ingilis dilində təhsil aparılacaq. 2013/2014-cü tədris ilində abituriyentlərin qeydiyyatı  və ingilis dilinin tədrisi Azərbaycan Diplomatik Akademiyasında aparılacaq.

Ünvan:  AZ-1008. Bakı şəhəri, Əhmədbəy Ağaoğlu küçəsi, 11 (“Gənclik”  metro stansiyasının yanı).

Əziz abituriyentlər! Siz  İnformasiya Texnologiyaları Universitetini seçməklə əlavə olaraq əldə edirsiniz:

* 600-dən  yuxarı bal toplamış hər bir abituriyentə Rabitə və İnformasiya

Texnologiyaları Nazirliyi  tərəfindən 1 “NOTEBOOK” ;

* Rabitə və İnformasiya Texnologiyaları Nazirliyinin birlik və müəssisələrində təcrübə keçmək imkanı;

* Universitetin məzunlarının Rabitə və İnformasiya Texnologiyaları Nazirliyinin birlik və müəssisələrində, özəl şirkətlərdə işlə təmin olunması;

* Universitetin məzunlarına xaricdə magistr pilləsində təhsil almaq üçün Rabitə və İnformasiya Texnologiyaları Nazirliyi tərəfindən dəstək verilməsi;

* Müxtəlif  həvəsləndirici mükafatlar  (əlavə təqaüdlər, yay məktəblərində iştirak və s.) 

İNFORMASİYA  TEXNOLOGİYALARI  UNİVERSİTETİNİ SEÇİN VƏ BU İMKANLARDAN  YARARLANIN!