Avqust ayının 1-dən etibarən qorunan əmanətlər üzrə faiz dərəcəsinin maksimum həddi 12 faizdən 10 faizə endiriləcəkdir!

Əmanətlərin Sığortalanması Fondu əmanətçilərin diqqətinə çatdırır ki, 2013-cü il avqust ayının 1-dən etibarən banklarda yerləşdirilən qorunan əmanətlər üzrə faiz dərəcəsinin yuxarı həddi 12 faizdən 10 faizə endirələcəkdir.

Fondun Himayəçilik Şurasının 18 iyul 2013-cü il tarixində keçirilən iclasında qorunan əmanətlərin maksimum faiz dərəcəsi həddi 12 faizdən 10 faizə endirildi. Bu dəyişiklik 1 avqust 2013-cü il tarixindən qüvvəyə minəcəkdir.

Bu dəyişiklik 1 avqust 2013-cü il tarixinədək yerləşdirilən əmanətlərə şamil edilmir.

Xatırlatmaq istərdik ki, hər bir sığorta hadisəsinə görə qorunan əmanətçinin qorunan əmanətinə ödənilməli olan kompensasiya məbləği 30 000 manat təşkil edir. Əmanətçilər əmanətlərinin sığortalanması üçün heç bir ödəniş etmir.Sığorta haqları yalnız üzv banklar tərəfindən ödənilir.