Azərbaycan  Respublikası  Təhsil  Nazirliyi AZƏRBAYCAN  DÖVLƏT  PEDAQOJİ  UNİVERSİTETİ

2013/2014-cü  tədris ilində aşağıdakı ixtisaslar üzrə

təkrar ali təhsil (II ali təhsil) almaq üçün qəbul

ELAN EDİR

1. Azərbaycan dili və ədəbiyyatı müəllimliyi -(əyani və qiyabi, Azərbaycan dilində)

2. Xarici dil (ingilis, fransız) müəllimliyi -(əyani, Azərbaycan dilində)

3. Tarix müəllimliyi -(əyani və qiyabi, Azərbaycan və rus dillərində)

4. Tarix və coğrafiya müəllimliyi -(əyani, Azərbaycan dilində)

5. Kimya müəllimliyi -(əyani, Azərbaycan dilində)

6. Kimya və biologiya müəllimliyi -(əyani, Azərbaycan dilində)

7. Biologiya müəllimliyi- (əyani və qiyabi, Azərbaycan və rus dillərində)

8. Riyaziyyat müəllimliyi -(əyani və qiyabi, Azərbaycan və rus dillərində)

9. Riyaziyyat və informatika müəllimliyi -(əyani, Azərbaycan dilində)

10.  İnformatika müəllimliyi -(əyani, Azərbaycan dilində)

11.  Fizika müəllimliyi -(əyani, Azərbaycan dilində)

12.  Təhsildə sosial-psixoloji xidmət -(əyani, Azərbaycan dilində)

13.  Kooreksiyaedici təlim  -(əyani, Azərbaycan dilində)

14.  Məktəbəqədər təlim və tərbiyə  -(əyani və qiyabi, Azərbaycan dilində)

15.   İbtidai sinif  müəllimliyi -(əyani və qiyabi, Azərbaycan və rus  dillərində)

16.  Coğrafiya müəllimliyi -(əyani və qiyabi, Azərbaycan dilində)

17.  Musiqi müəllimliyi -(əyani, Azərbaycan dilində)

18.  Təsviri incəsənət  müəllimliyi -(əyani, Azərbaycan dilində)

19. Texnologiya  müəllimliyi -(əyani və qiyabi, Azərbaycan dilində)

20.  Fiziki tərbiyə və çağırışaqədərki hazırlıq müəllimliyi -(əyani, Azərbaycan dilində) 

 Təkrar ali təhsil müəssisə, təşkilat, idarə və ayrı-ayrı vətəndaşlarla Azərbaycan Dövlət Pedaqoji Universiteti arasında bağlanmış fərdi müqavilələr əsasında həyata keçirilir. Əvvəlki ali təhsili və ya hazırda (bir ildən az olmayaraq) işlədiyi ixtisas seçdiyi ixtisasa uyğun gələn şəxslər “Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi qaydası”na uyğun olaraq müsabiqədə iştirak edə bilərlər.

Təkrar ali təhsil almaq istəyənlər aşağıdakı sənədləri təqdim etməlidirlər :

- rektorun adına ərizə;

- ali təhsil haqqında sənədin, diplomun surəti (notarial qaydada təsdiq olunmuş) və qiymət kitabçasından çıxarış (diploma əlavə, saatların miqdarı göstərilməklə);

- əmək kitabçasının surəti;

- işlədiyi müəssisə, təşkilat və idarələrdən göndərilənlər üçün göndəriş, zəmanət;

- 3x4 sm ölçüdə 6 ədəd rəngli fotoşəkil;

- sağlamlıq haqqında arayış;

- şəxsiyyət vəsiqəsinin sürəti (notarial qaydada təsdiq olunmuş);

- təhsil haqqını ödəmək barədə öhdəlik müqaviləsi.

   Sənədlər 2013-cü il avqust ayının 20-dən sentyabr ayının 5-dək (istirahət günlərindən başqa) saat 10.00-13.00-dək ADPU-nun əsas binasında (II mərtəbə, tədris-metodika şöbəsi, otaq 208) qəbul edilir.

Təkrar ali təhsil (II ali təhsil) almaq üçün universitetə sənəd vermiş şəxslərlə müsahibə aparılır. Müsahibədən uğurla keçənlər müsabiqə yolu ilə təkrar ali təhsil ixtisası üzrə tələbələr sırasına qəbul edilirlər. Birinci aldığı təhsilin təkrar ali təhsil ixtisasına uyğunluğundan asılı olaraq qəbul edildiyi kurs müəyyənləşdirilir.

   Xaricdə təhsil almış şəxslər təkrar ali təhsil (II ali təhsil) almaq üçün Azərbaycan Respublikası Təhsil Nazirliyində müvafiq prosedur keçməklə şəhadətnaməni təqdim etməlidirlər.

   Təhsil ödənişlidir. Təhsil haqqı müqavilə əsasında ayrı-ayrı ixtisaslara uyğun olaraq ödənilir.

   Ünvan: AZ 1000 Bakı şəhəri, Ü.Hacıbəyov  küçəsi, 34

   Əlaqə telefonları:   (+994 12) 493-15-96

REKTORLUQ