İmişli Rayon İcra Hakimiyyəti 2013-cü ildə rayonun kənd məktəblərində yerinə yetiriləcək işlərin satınalınması məqsədilə açıq tender elan edir

Tender 3 (üç) lot üzrə keçirilir:

1-ci lot. Ölcələr kəndində 180 şagird yerlik tam orta məktəb binasının tikintisi işlərinin satınalınması.

2-ci lot. Cəfərli kəndində 120 şagird yerlik 2 nömrəli tam orta məktəb binasının  tikintisi işlərinin satınalınması.

3-cü lot. Məzrəli kəndində 40 yerlik uşaq bağçası binasının  tikintisi işlərinin satınalınması.

Tenderdə iştirak etmək üçün iddiaçılar 1-ci lot üçün 200 (iki yüz) manat, 2-ci lot üçün 150 (bir yüz əlli) manat və  3-cü lot üçün isə 100 (bir yüz) manat məbləğində pul vəsaitini aşağıdakı hesaba köçürdükdən sonra əsas şərtlər toplusunu tender komissiyasından ala bilərlər.

Tenderin əsas şərtlər toplusu Azərbaycan dilində hazırlanmışdır.

 Təşkilat: İmişli YXO

 Hesab: 32051019446700201167

 VÖEN: 5500116521

Bank: “Kapital Bank”ın İmişli rayon filialı

Kod: 200673 VÖEN: 9900003611

Müxbir hesab: 6728010000

SWİFT BİK AIIBAZ 2X

 İştirak haqqı heç bir halda geri qaytarılmır.

 İddiaçılar tenderdə iştirak etmək üçün 18 iyul 2013-cü il saat 17.00-a qədər aşağıdakı sənədləri təqdim etməlidirlər:

-tenderdə iştirak etmək üçün yazılı  müraciət;

 -iştirak haqqının ödənilməsi barədə bank sənədi;

-Azərbaycan Respublikasında vergilərə və digər icbarı ödənişlərə  dair yerinə yetirilməsi vaxtı keçmiş öhdəliklərin olmaması haqqında arayış;

 -iddiaçının son bir ildəki maliyyə vəziyyəti haqqında bank arayışı;

-iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti (forma 1 və forma 2)

 -iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri, analoji işlərdə təcrübəsi, iddiaçının potensial texniki və kadr imkanları haqqında rəsmi məlumat.

İddiaçının tender təklifi Azərbaycan dilində tərtib olunmalıdır.

Tender təklifi 2 nüsxədə (əsli və surəti) tender təklifi dəyərinin 2 faizi həcmində bank təminatı ilə birlikdə 25 iyul 2013-cü il saat 17.00-a qədər ikiqat zərfdə bağlanmış və möhürlənmiş şəkildə İmişli Rayon İcra Hakimiyyətinə (İmişli şəhəri, M.Əsədov küçəsi, 3) təqdim edilməlidir.

 Tender təklifi tender proseduru keçirildiyi tarixdən sonra ən azı 30 bank günü qüvvədə olmalıdır. Tender təklifi dəyərinin 1 faizi həcmində bank təminatı tender proseduru keçirildiyi tarixdən sonra ən azı 60 bank günü qüvvədə olmaqla tender təklifi ilə birlikdə təqdim edilir. Bank təminatını tender təklifi zərfində təqdim etməyən iddiaçının tender təklifi etibarsız sayılır və qiymətləndirilməyə buraxılmır.

İddiaçının tender zərfləri 26 iyul 2013-cü il saat 11.00-da İmişli Rayon İcra Hakimiyyətində açılacaqdır. İddiaçıların səlahiyyətli nümayəndələri iştirak edə bilərlər. Tender haqqında məlumatları aşağıdakı ünvandan almaq olar.

 İmişli Rayon İcra Hakimiyyətinin tender komissiyası.

Əlaqələndirici şəxs: Emil Fərzəliyev. Telefon: 6-29-51, (050) 611-10-81

Ünvan: İmişli şəhəri, M.Əsədov küçəsi, 3.

Tender komissiyası