Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov iyulun 13-də saat 9:00-da xidmətin Gəncə şəhər Kəpəz rayon şöbəsinin inzibati binasında (Gəncə şəhəri, M.A.Abbaszadə küçəsi – 45) Gəncə şəhərinin,  Ağstafa, Samux, Göygöl, Qazax, Tovuz, Şəmkir, Goranboy, Daşkəsən və Gədəbəy rayonlarının sakinlərini qəbul edəcəkdir. 

Qurumun mətbuat xidmətindən AzərTAc-a bildirmişlər ki, qəbula yazılmaq istəyən vətəndaşlar iyulun 12-dək Səfərbərlik və Hərbi Xidmətə Çağırış üzrə Dövlət Xidmətinin adları qeyd olunan rayon bölmələrinə müraciət etmələri və qeydiyyatdan keçmələri zəruridir.