“5/36” lotereyasında rekord uduş qeydə alındı

“Azərlotereya” ASC-nin daha bir layihəsi uğurla başa çatdı.  May ayının 31-də “May Sevincləri” lotereyasının tirajını izləyən “Space” telekanalının tamaşaçıları Sabirabad şəhər sakini Piriyev İslam Aslan oğlunun Jeep “Cheroke Sport” avtomobilinin uduşuna şahidlik etdilər. “Kia Rio”  avtomobilini udan  Bakı sakini Zeynalov Kamran Zeynal oğlu və çoxsaylı pul uduşlarına sahib çıxan neçə-neçə həmvətənimiz  də uduş sevincini yaşadılar.

“Azerlotereya” ASC isə lotereya bazarına yeni “Super Loto” layihəsini çıxarır. İyulun 5-dən başlayaraq, “Super Loto” lotereyasının tirajları hər həftənin cümə günü saat 21:20-də “Space” telekanalında canlı yayımlanacaq. “Qızıl Onluq” lotereyası isə son tirajlarında da iştirakçıları sevindirməkdə davam edir. İyunun 14-də “Qızıl Onluq”un 22-ci tirajında 016057 №-li bilet “Kia Rio” avtomobilini uddu. Ən əsası odur ki, “Qızıl Onluq”un varisi “Super Loto”ya “estafet çubuğu” ilə birlikdə “Cek Pot”un məbləğini də ötürür. Siz bu sətirləri oxuyarkən “Cek Pot”un məbləği 170.000 manat civarındadır və son iki tirajda bu məbləğ udulmasa “Super Loto”nun ilk tirajında iştirakçıları möhtəşəm “Meqa Pot” gözləyəcək. Yeri gəlmişkən, yeni layihənin “Qızıl Onluq”dan fərqli cəhətlərindən biri də odur ki, burada “Cek Pot” da oynanılır. Birinci turda, lotereya biletinin istənilən üfüqi sıralarından hər hansı biri, ən tez, əvvəlcədən elan edilmiş gedişə qədər tam dolarsa həmin bilet “Cek Pot”u udur. İkinci turda lotereya biletinin lövhələrindən hər hansı biri, ən tez, dolmuş bilet “Kia Rio” avtomobilinə sahib olur. Bu turda  lotereya biletinin üç lövhəsindən hər hansı biri, ən tez, əvvəlcədən elan edilmiş gedişə qədər tam dolarsa, həmin bilet “Meqa Pot”u udur.  Üçüncü tur ən azı 72-ci gedişə qədər davam edir və hər hansı bir lövhəsi dolmuş bilet uduşlu sayılır. Oyun bitənədək, bir biletin iki və hətta üç lövhəsi dola bilər. Bu halda bütün uduşlar cəmlənir. “Azərlotereya” ASC satış şəbəkəsini genişləndirmək, iştirakçılara xidmətin səviyyəsini yüksəltmək məqsədilə, iki aya yaxındır ki, lotereya biletlərinin internet vasitəsi ilə realizə olunmasına başlayıb. İstənilən şəxs satış məntəqəsi axtarmadan, vaxt itirmədən www.azerlotereya.com saytında qeydiyyatdan keçərək “Azərlotereya” ASC tərəfindən təşkil olunan lotereya oyunlarının biletlərini internet vasitəsi ilə əldə edə bilər. “5/36” lotereyasının 726-cı tirajı bir daha göstərdi ki, biletləri əldə etməyə dəyər. Bu tirajda, Azərbaycanda lotereya oyunları tarixində ən böyük məbləğ - 161 490 manat uduldu. Lakin bu yay, bəlkə də bu ay, rekordu təzələmək üçün, 172 000 manat məbləğində “Super Binqo” ilə “Binqo”, 171 000 manat məbləğində “Meqa Pot”la “Klassik Loto” və 192 735 manat məbləğində “Cek Pot”la “6/40” lotereyaları iddialıdırlar. Rekorda imza atın, həyatınızı dəyişin!

“Xalq qəzeti”