Ölkə: Azərbaycan Respublikası

Layihənin adı: Məcburi köçkünlərin həyat şəraiti və gəlir imkanlarının dəstəklənməsi

Tapşırığın adı:  İctimai yaşayış binalarının təmir-bərpasının qiymətləndirilməsi üzrə  məsləhətçi xidmətləri.

Azərbaycan Respublikası hökuməti məcburi köçkünlərin həyat şəraiti və gəlir imkanlarının dəstəklənməsinin həyata keçirilməsi üçün Dünya Bankından maliyyə vəsaiti almışdır və bu vəsaitin bir hissəsini məsləhətçi xidmətlərinə sərf etmək niyyətindədir. Qiymətləndirilməsi aparılacaq 8 (səkkiz) ictimai yaşayış binasının siyahısı aşağıda göstərilmişdir:

№        İYB-nin kodu   İYB-nin adı      İYB-nin yeri

1          İYB/025          Yataqxananın təmiri      Bakı şəhəri, Nizami rayonu, C.Naxçıvanski küçəsi 78, yataqxananın təmiri

2          İYB/026          Yataqxananın təmiri      Bakı şəhəri, Qaradağ rayonu, Sahil qəsəbəsi, M.Seyidov küçəsi, 16 saylı yataqxananın təmiri

3          İYB/027          Yataqxananın təmiri      Bakı şəhəri, Nərimanov rayonu, F.Xan Xoyski küçəsi 128, MKTB-in yataqxanasının təmiri

4          İYB/028          Yataqxananın təmiri      Bakı şəhəri, Səbail rayonu, Bibiheybət qəsəbəsi, Şıx sanatoriyası binasının təmiri

5          İYB/029          Yataqxananın təmiri      Bakı şəhəri, Xəzər rayonu, Şüvəlan qəsəbəsi,  ət-süd məhsulları kombinatının pansionatı binasının təmiri

6          İYB/030          Yataqxananın təmiri      Bakı şəhəri, Yasamal rayonu, Şərifzadə küçəsi 1, Azərbaycan Texniki Universitetinin 6 saylı yataqxanasının təmiri

7          İYB/031          Yataqxananın təmiri      Sumqayıt şəhəri, İnşaatçılar qəsəbəsi, 41 saylı TPM-nin 8 saylı yataqxanasının təmiri

8          İYB/032          Yataqxananın təmiri      Sumqayıt şəhəri, “Sintezkauçuk” zavodunun  8 saylı yataqxanasının təmiri

Azərbaycan Respublikasının Məcburi Köçkünlərin Sosial İnkişaf Fondu məsləhətçi firmaları (məsləhətçilər) qeyd olunan xidmətləri göstərmək üçün maraqlarını ifadə etməyə dəvət edir. Maraqlanan məsləhətçilər xidmətlərin icrası üçün tələb olunan səriştəyə və müvafiq təcrübəyə malik olduqlarını nümayiş etdirən məlumat təqdim etməlidirlər. Qısa siyahının tərtib edilməsi meyarları aşağıdakılardır: firmanın ümumi ixtisas dərəcəsi, qeyd olunan tapşırığa oxşar işlərin icrasında təcrübə, əsas işçi heyəti.

Dünya Bankının maraqların ziddiyyəti üzrə siyasətini nəzərə alaraq maraqlanan məsləhətçilərin diqqəti Dünya Bankının məsləhətçilərin seçimi və işə götürülməsi üzrə rəhbərliyinin (BYİB kreditləri və BİA kreditləri və ya qrantları çərçivəsində) 2011-ci ilin yanvar ayında yenilənmiş nəşrinin  (məsləhətçilər üzrə rəhbərlik) 1.9 bəndinə yönəldilir.

Məsləhətçilər ixtisas dərəcələrini artırmaq məqsədilə birgə müəssisə və ya sub-məsləhətçi şəklində digər firmalarla əməkdaşlıq edə bilərlər.

Məsləhətçilər məsləhətçilər üzrə rəhbərlikdə qeyd olunan məsləhətçilərin ixtisas dərəcəsinə görə seçim üsulu ilə seçiləcəklər.

Əlavə məlumat üçün iş saatları (9.00-18.00) ərzində aşağıdakı ünvana müraciət etmək olar.

Maraqların ifadəsi yazılı formada 4 iyul 2013-cü il tarixədək aşağıdakı ünvana təqdim olunmalıdır (şəxsən, poçt, faks və ya elektron poçtu vasitəsilə).

Azərbaycan Respublikasının Məcburi Köçkünlərin Sosial İnkişaf Fondu Məsul şəxs: S.Əhmədov, MKSİF-in direktor müavini Bakı şəhəri, Tbilisi prospekti, 57D

Tel: (99412) 4318769

Faks: (99412) 4318211

Elektron poçtu: [email protected]