Azərbaycan Respublikasının Əmək və Əhalinin Sosial Müdafiəsi Nazirliyi “Sosial xidmət haqqında” Azərbaycan Respublikası Qanununun tətbiqi məqsədilə Azərbaycan Respublikası Nazirlər Kabinetinin “Sosial xidmət sahəsində dövlət sifarişlərinin bələdiyyələrə, fiziki və hüquqi şəxslərə, o cümlədən qeyri-hökumət təşkilatlarına verilməsi qaydasının” təsdiq edilməsi haqqında 30 dekabr 2012-ci il tarixli 330 nömrəli qərarına müvafiq olaraq sosial xidmət sahələri üçün sifarişlərin verilməsinə başlamışdır.

“Sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial xidmət göstərilməsi sahəsində əlavə tədbirlər haqqında” Azərbaycan Respublikası Prezidentinin 9 yanvar 2013-cü il tarixli 2653 nömrəli Sərəncamına əsasən Azərbaycan Respublikası Əmək və Əhalinin Sosial Müdafiəsi Nazirliyinə ayrılmış vəsait çərçivəsində 2013-cü ilin iyul-dekabr ayları üzrə müsabiqələr keçirilir:

1. Uşaqların dövlət uşaq müəssisələrinə düşməsinin qarşısının alınması və çətin həyat şəraitində olan uşaqların və ailələrin sosial xidmətlərə çıxışının təmin edilməsi məqsədilə ölkə üzrə 8 rayonda (Astara, Beyləqan, Qazax, Yardımlı, Ağcabədi, Qax, Yevlax, Lənkəran) günərzi mərkəzlərin yaradılması (təkliflər 1 iyul 2013-cü il saat 15:00-dan gec olmayaraq təqdim edilməlidir, müsabiqə 1 iyul 2013-cü il saat 15:00-da keçiriləcəkdir);

2. Sağlamlıq imkanları məhdud uşaqların (autizm sindromlu) sosial reabilitasiyası - yenidən elan olunmuş müsabiqə (təkliflər 25 iyun 2013-cü il, saat 15:00-dan gec olmayaraq təqdim edilməlidir, müsabiqə 25 iyun 2013-cü il saat 15:00-da) keçiriləcəkdir.

Müsabiqələrdə iştirak etmək istəyən bələdiyyələr, fiziki və hüquqi şəxslər, qeyri-hökumət təşkilatları (bundan sonra təşkilatlar) müsabiqənin əsas şərtlər toplusunu və texniki tapşırığı əldə etmək üçün sifarişçinin elektron ünvanına ([email protected]) müraciət edərək sənədin elektron nüsxəsini və yaxud sifarişçinin Bakı, S. Əsgərova küçəsi, 85, 305-ci otaqda yerləşən ofisindən sənədin çap edilmiş nüsxəsini saat 10:00-dan 17:00-dək əldə edə bilərlər.

Müsabiqələrdə iştirak etmək istəyən təşkilatlar müvafiq təcrübəyə, maddi-texniki bazaya və işçi potensialına malik olmalıdırlar. Müsabiqələrdə iştirak etmək istəyən təşkilatların ixtisas göstəricilərinə dair tələblər, müsabiqə üzrə sənədlərin hazırlanması və təqdim olunması qaydaları və sair haqqında ətraflı məlumat əsas şərtlər toplusunda öz əksini tapmışdır.

 Müsabiqələr Əmək və Əhalinin Sosial Müdafiəsi Nazirliyində (6-cı mərtəbə, 611 № li otaq) keçiriləcəkdir.

Azərbaycan Respublikası Əmək və Əhalinin Sosial Müdafiəsi Nazirliyi Bakı şəhəri, AZ 1009, S.Əsgərova küçəsi, 85

Tel.: +994-12-5419727

Elektron poçt ünvanı: [email protected]