“Porcelanosa Grupo”nun Azərbaycandakı rəsmi distribütoru “Aksesuar İnşaat”ın yeni mağazasının açılışı olmuşdur. Mərasimə bu qurumun Türkiyə və Azərbaycan üzrə təmsilçiliklərinin rəhbərləri, memarlar, dizaynerlər, iş adamları, KİV və ictimaiyyətin nümayəndələri qatılmışdılar.Bayramsayağı bəzədilmiş mağazanın geniş salonunda musiqi sədaları altında Avropa brendlərinin keyfiyyət zamanəti altında dizaynı ilə zövq oxşayan modern və zənginlik rəmzi olan məhsullar təqdim olunurdu.

“Aksesuar İnşaat” son 16 ildə ölkəmizdə yeni, mağazalarını istifadəyə verməklə yanaşı mövcud mağazalarını müştərilərinin yüksək tələblərinə cavab verən tərzdə yeniləndirməyə davam edir. Bu istiqamətdə “Aksesuar İnşaat”ın Bakıdakı əsas mağazasının 1000 kvadratmetr əlavə hissəsi yenidən qurularaq müştərilərin istifadəsinə verilmişdir.

Təntənəli mərasimi açan “Aksesuar İnşaat”ın Azərbaycandakı baş direktoru Veysəl Aksu mərasim iştirakçılarını salamlayaraq demişdir ki, yeni dizaynda təşkil olunmuş, müştərilər üçün hazırlanan layihələndirilmiş otaqlarda dünyanın ən məşhur markaları-hamam aksesuarları nümayiş olunur.Yüksək istehsal səviyyəsinə və keyfiyyətinə görə, dünyada analoqu olmayan aksesuarlar bu sektorda yeni bir dövrün başlanğıcını göstərir. Dünyanın ən nüfüzlü markaları- hamam aksesuarlarının ən yaxşı şəkildə nümayişi ilə bərabər, mağazada həm də müştərilərə xidmət göstərən xüsusi kafe, müştəri ilə görüş və təqdimat otaqları fəaliyyətə başlayır. Layihələndirilmiş otaqların görünüşü, keyfiyyət və üstün xidmət bu məkanın gözəlliyini daha da artırır.Yüksək istehsal səviyyəsi ilə seçilən bu məhsullar, Avropada hazırlanan keramik, fərqli naxış və motivləri olan parket stendləri müştərilərə rahat seçim etmə imkanı verir. Bənzərsiz salonda hamam aksesuarları ilə yanaşı, Avropanın ən öndəgələn və təkrarsız dizaynlı mətbəx mebelləri də təqdim olunur. Hamam və mətbəx dekorasiyasında klassik, avanqard və modern kimi fərqli maraqları və zövqləri nəzərə alaraq bütün bu dizayn bir arada toplanmışdır.

“Aksesuar İnşaat”ın yeni mağazasının açılışı münasibətilə qonaqlar bütün mağazanı gəzdilər. Özəl kafenin xidmətçiləri mərasim iştirakçılarına milli yeməklər, sərinləşdirici içkilər, şirniyyatlar təklif etdilər. Dadlı və ləziz təamlar mərasim iştirakçılarında xoş əhval-ruhiyyə yaratdı. Mağazanın təmsilçiləri Avropanın yüksək keyfiyyətli brendləri ilə tanış olan müştərilərin istəklərinə, zövqlərinə, tələblərinə və bütün suallarına əhatəli cavablar verdilər. Mağazanın təqdim etdiyi bütün modellərin unikal dizayn fərqlərinə müştərilər valeh oldular. İlk alıcıların bəyəndiyi və seçim etdiyi məhsulların qısa müddətdə lazımi ünvanlara çatdırılmasını öhdəyə aldılar.

A.SADIQOĞLU,

“Xalq qəzeti”