Mayın 24-də saat 10:00-da ədliyyə naziri, Məhkəmə-Hüquq Şurasının sədri Fikrət Məmmədov Lənkəran şəhərinin Heydər Əliyev Mərkəzində (ünvan: Heydər Əliyev parkı) vətəndaşları qəbul edəcəkdir.

Ədliyyə Nazirliyinin mətbuat xidmətindən AzərTAc-a bildirmişlər ki, qəbulda Astara, Lerik, Masallı, Yardımlı, Cəlilabad və Lənkəran rayonlarından olan vətəndaşların ədliyyə və məhkəmə fəaliyyəti və digər məsələlərlə bağlı müraciətlərinə baxılacaqdır.

Qəbula gəlmək istəyən vətəndaşlar Lənkəran regional ədliyyə şöbəsi (telefon: (02171) 4-26-72; 050-331-18-81; Lənkəran şəhəri, Hənifə Abdullayev küçəsi 15), habelə Ədliyyə Nazirliyinin (012) 510-10-01 (əlavə 2104), 055-925-37-41 nömrəli telefonları və [email protected] elektron poçt ünvanına müraciət edərək qeydiyyatdan keçə bilərlər.

Eyni zamanda, vətəndaşların rahatlığı üçün ədliyyə nazirinin həmin gün keçiriləcək qəbuluna elektron qaydada birbaşa yazılmaq imkanı yaradılmışdır. Bu məqsədlə Ədliyyə Nazirliyinin elektron xidmətlər portalına (www.exidmet.justice.gov.az)  müraciət etmək lazımdır.