Mayın 25-də saat 10.00-da təhsil naziri Mikayıl Cabbarov Şirvan Şəhər Mərkəzi Mədəniyyət Evində mərkəzi icra hakimiyyəti orqanları rəhbərlərinin 2013-cü ilin may ayında şəhər və rayonlarda vətəndaşların qəbulu cədvəlinə uyğun olaraq bu şəhərdən, Salyan, Neftçala, Biləsuvar, Saatlı, Sabirabad, İmişli, Hacıqabul və Kürdəmir rayonlarından olan vətəndaşları qəbul edəcəkdir.

Təhsil Nazirliyindən AzərTAc-a bildirmişlər ki, qəbula gəlmək istəyən vətəndaşlar nazirliyin “Qaynar xətt” xidmətinin 146 nömrəli telefonuna və ya [email protected]  elektron poçt ünvanına müraciət edərək qeydiyyatdan keçə bilərlər.