Azərbaycan Respublikasının Əmək və Əhalinin Sosial Müdafiəsi Nazirliyi “Sosial xidmət haqqında” Azərbaycan Respublikası Qanununun tətbiqi məqsədilə Azərbaycan Respublikası Nazirlər Kabinetinin “Sosial xidmət sahəsində dövlət sifarişlərinin bələdiyyələrə, fiziki və hüquqi şəxslərə, o cümlədən qeyri-hökumət təşkilatlarına verilməsi qaydasının” təsdiq edilməsi haqqında 30 dekabr 2012-ci il tarixli 330 nömrəli qərarına əsasən sosial xidmət sahələri üçün sifarişlərin verilməsinə başlamışdır. 

“Sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial xidmət göstərilməsi sahəsində əlavə tədbirlər haqqında” Azərbaycan Respublikası Prezidentinin 9 yanvar 2013-cü il tarixli 2653 nömrəli sərəncamına əsasən Azərbaycan Respublikası Əmək və Əhalinin Sosial Müdafiəsi Nazirliyinə ayrılmış vəsait çərçivəsində 2013-cü ilin may-dekabr ayları üzrə müsabiqələr keçirilir:

1.Uşaqlar (7 yaşadək) əlilliyin qarşısının alınması  və sağlamlıq imkanları məhdud uşaqların Portec metodikası ilə sosial reabilitasiyası (Xızı, Şabran, Siyəzən və Quba rayonları);

2. Sağlamlıq imkanları məhdud uşaqların (daun sindromlu) sosial reabilitasiyası;

3. Sağlamlıq imkanları məhdud uşaqların (autizm sindromlu) sosial reabilitasiyası.

Müsabiqədə iştirak etmək istəyən bələdiyyələr, fiziki və hüquqi şəxslər, qeyri-hökumət təşkilatları (bundan sonra təşkilatlar) müsabiqənin əsas şərtlər toplusunu və texniki tapşırığı əldə etmək üçün sifarişçinin  elektron ünvanına ([email protected]) müraciət edərək sənədin elektron nüsxəsini və yaxud sifarişçinin S. Əsgərova  küçəsi, 85, 305-ci    otaqda yerləşən ofisindən sənədin  çap edilmiş nüsxəsini saat 10.00-dan 17.00-dək əldə edə bilərlər.

Müsabiqədə iştirak etmək istəyən təşkilatlar müvafiq təcrübəyə, maddi-texniki bazaya və işçi potensialına malik olmalıdırlar. Müsabiqədə iştirak etmək istəyən təşkilatların ixtisas göstəricələrinə dair tələblər, müsabiqə sənədlərinin hazırlanması, təqdim olunması qaydaları və sair haqqında ətraflı məlumat əsas şərtlər toplusunda öz əksini tapmışdır.

Müsabiqədə iştirak edən təşkilatların təklifləri aşağıdakı ünvana 27 may 2013-cü il saat 15.00-dan gec olmayaraq təqdim edilməlidir. Gecikdirilmiş təkliflər qəbul olunmayacaqdır.

Müsabiqə 27 may 2013-cü il saat 15.00-da Azərbaycan Respublikası  Əmək və Əhalinin Sosial Müdafiəsi Nazirliyində (6-cı mərtəbə, 611-ci otaqda) keçiriləcəkdir.

Azərbaycan Respublikası Əmək və Əhalinin Sosial Müdafiəsi Nazirliyi, Bakı şəhəri, AZ 1009, S. Əsgərova küçəsi, 85

Tel: +994-12-5419727

Elektron poçt ünvanı:

[email protected]